Sidee ayaad xogtaad ugu aammin kartaa taleefanka cusub ee Samsung S26?

Samsung ayaa soo saartay taleefankeeda casriga ah ee cusub ee Galaxy S26, kaas oo qiimihiisu wax yar ka sarreeyo kii hore.

Mid ka mid ah waxyaabaha gaarka ah ee taleefankan ayaa ah in markii ugu horreysay lagu daray astaanta "ilaalinta macluumaadk shakhsiga ah". Tani waxay kuu oggolaanaysaa in aad hubiso in qof kale aanu arki karin shaashaddaada.

Taleefankan cusub ee shirkadda Samsung S26 ayaa bilaaban doona in la iibiyo laga bilaabo 11-ka March.

Korodh miyaa ku iman doona qiimaha iPhone-ka? Arrintan, madaxa Apple Tim Cook ayaa bishii Janaayo sheegay in uu filayo in qiimaha chips-ka uu kordho, hase yeeshee ma uusan sheegin in Apple ay qorsheyneyso inay ka jawaabto taas in ay kor u qaadayso qiimaha taleefanka iPhone-ka.

Sannadkii la soo dhaafay, dalabka iPhone-ka ayaa kordhay Shiinaha iyo Hindiya, taasoo keentay in Samsung ay la kulanto khasaare.

dhawrista xogta shakhsiga ah

Astaanta taleefanka ee ay xiiseynayaan isticmaaleyaasha baraha bulshada waxaa lagu magacaabaa "Ilaalinta xogta shakhsiga ah."

Sida ay sheegtay shirkadda Samsung, "xogta shakhsiga ah" waa hirumar cusub oo si weyn u beddela habka ilaalinta xogta isticmaalaha.

Xaaladaha maalinlaha ah sida safarka, maqaayadaha, ama xafiiska marka aad taleefanka isticmaalayso, waxaad u baahan tahay in aad xaqiijiso in xogtaada gaarka ah ay sir kuu ahaato.

Samsung waxay sheegtay in iyada oo la xakameynayo faafidda iftiinka heer pixel, shaashaddani ay ka dhigto waxyaabaha ku jira isticmaalka maalinlaha ah kuwo cad, dhalaalaya oo aan dhibayn qofka isticmaalaya, islamarkaana ay yareyso fursadaha in qof kale uu arko.

Sida uu ula shaqeeyo Garaadka Macmalka ah

Dhanka kale, Google ayaa sheegtay in S26 uu yahay taleefanka casriga ah ee ay ka heli doonaan aaladaha ugu horumarsan ee garaadka macmalka ah. Tusaale ahaan, waxaad Gemini weydiisan kartaa in uu kugu hago gurigaaga, wax ka soo iibsato dukaanka, ama cunto aad jeceshahay dalbato. Waxaad sidoo kale si toos ah ula socon kartaa hawsha aad u dirsato Gemini.

Waxaad sawir kasta ku qori kartaa si aad ugu baarto Google, sida noocyada dharka moodalka aad xiisaynayso.

Sida uu sheegay Google, taleefankan waxaa ku jira astaanta AI oo kuu sheegi karta haddii wicitaanka soo galaya uu yahay khiyaamo ama "scam."

Sidoo kale, taleefankan waxaa ku jira astaanta "caawunaysa marka aad sawir qaadayso" oo u oggolaanaysa isticmaaleyaasha inay AI weydiistaan in uu wax ka beddelo sawirkooda, sida beddelida dhammaystiran, midabka dharka, iyo wixii la mid ah.

Waa imisa qiimihiisu?

Samsung Galaxy S26 ayaa markii hore lagu soo bandhigay Kuuriyada Koonfureed iyo Mareykanka.

Taleefankan waxaa ku jira astaamo dheeraad ah oo ka mid ah kaaliyayaasha AI ee Google Gemini iyo kaaliyaha AI ee Samsung Bixby.

Samsung ayaa qaar ka mid ah moodooyinka S26 ku dartay nidaamkeeda Exynos ee ay iyagu sameeyaan halkii ay ka isticmaali lahaayeen Qualcomm, taasoo khubaradu sheegayaan inay kordhin karto faa'iidada shirkadda.

Mareykanka, qiimaha Galaxy S26 wuxuu ka bilaabmaa $899, taasoo 4.7% ka badan moodalkii hore. Qiimaha S26 Plus waa $1099, taasoo 10% ka badan moodalkii hore, halka qiimaha S26 Ultra aanu wax isbeddel ah ku imaan.

Kuuriyada Koonfureed, qiimaha moodalka aasaasiga ah ayaa kordhay 8.6%.