වියලි කාලගුණයෙන් ලක්ෂ දෙකක් පීඩාවට
ශ්රී ලංකාව පුරා දිස්ත්රික්ක ගණනාවකට බලපා තිබෙන දැඩි වියලි කාලගුණය හේතුවෙන් ලක්ෂ දෙකකට ආසන්න ජනතාවක් පීඩාවට පත් වී සිටින බව ආපදා කළමනාකරණ මධ්යස්ථානය පවසයි.
මේ ජනතාවට අවශ්ය පානීය ජලය ලබාදීම පිණිස කටයුතු සූදානම් කර ඇති බවත් ආපදා කළමනාකරණ මධ්යස්ථානයේ නියෝජ්ය අධ්යක්ෂ ප්රදීප් කොඩිප්පිලි සංදේශය කළ විමසීමකදී කියා සිටියේය.
ඡායාරූප මූලාශ්රය, Thakshila Dilsrukshi
දැඩි ඉඩෝරය හේතුවෙන් මඩකලපුව දිස්ත්රික්කයේ පමණක් පවුල් 20,000 කට වැඩි පිරිසක් පීඩාවට පත්ව සිටින බවයි, ශාන්ති සෙල්වදුරේ මඩකලපුවේ සිට වාර්තා කරන්නේ.
මඩකලපුව පමණක් නොව පොලොන්නරුව, යාපනය ඇතුළු වියලි කලාපයේ දිස්ත්රික්ක ගණනාවක වෙසෙන විශාල ජනකායක් පානීය ජල හිඟයකට මුහුණ දී සිටිති.
ලිං සහ වැවුවල ජලය සිඳී ගොස් ඇති බැවින් පානීය ජලය පමණක් නොව ගෙවතු වගා වැනි කටයුතු සඳහාද ප්රබල ජල හිඟයක් පවතින බවත් ප්රදේශවාසීහු පවසති.
"ගිනි තිබ්බොත් අළුවෙයි. කෙසෙල්, කවුපී, රටකජු වගාවන කරලා තිබුණා. දැන් ඒවා වේලිලා යනවා දකින කොට හරිම දුකයි," මඩකලපුවේ කාන්තාවක් කියා සිටියාය.
බවුසරවලින් හෝ දින දෙකක් මුළුල්ලේ ජලය නොලැබුන බව තවත් කාන්තාවක සඳහන් කළාය.
ඡායාරූප මූලාශ්රය, Thakshila Dilrukshi
දැඩි ඉඩෝරය හේතුවෙන් යාල වනෝද්යානය මාසයක කාලයකට වසා දමන බව මේ අතර වනෝද්යාන බලධාරීහු නිවේදනය කළහ.
