බෙන්තර බීච් බෝයිස් ලාට අලුත් යුනිෆොර්මයක්

සංචාරක ක්ෂේත්‍රයේ සේවා සපයන්නන් වඩාත් විධිමත් සේවාවක් බවට පත් කිරීමේ වැඩ සටහනක දෙවැනි අදියර පසුගියදා බෙන්තොට දී ආරම්භ වුනා.

බීච් බෝයිස් ලා ලෙසින් හැඳින්වෙන සංචාරකයන් එන තුරු වෙරළේ රැඳී සිටින පුරුෂයන් ගේ සේවාව විධිමත් කිරීමයි එම වැඩසටහනේ පළමු අංකය වී තිබුනේ.

සංචාරකයන්ට මඟ පෙන්වීම මෙන්ම අවශ්‍ය නම් සංචාරක කාන්තාවන්ට ලිංගික සේවා සැපයීමද බීච් බෝයිස් ලාගේ 'නිල නොවන රාජකාරියේ' එක් අංකයක් බව ප්‍රසිද්ධ රහසක්.

සංචාරකයන්ට මඟ පෙන්වීම මෙන්ම අවශ්‍ය නම් සංචාරක කාන්තාවන්ට ලිංගික සේවා සැපයීමද බීච් බෝයිස් ලාගේ 'නිල නොවන රාජකාරියේ' එක් අංකයක් බව ප්‍රසිද්ධ රහසක්

රියදුරන් ගේ සේවාව සංවිධානාත්මක සේවාවක් බවට පත් කිරීම එම වැඩසටහනේ දෙවැනි අංකයයි.

සංචාරක ක්ෂේත්‍රයේ නිරත ප්‍රාදේශීය සේවා සපයන්නන් විදිහ්මත් කිරීමේ වැඩ සටහන ශ්‍රී ලංකා සංචාරක සහ හෝටල් කළමනාකරණ ආයතනයේ ජ්‍යෙෂ්ඨ කථිකාචාර්ය සුජිත් යමසිංහ ගේ සංකල්පයක ප්‍රතිඵලයක්.

මාස ගණනාවක පුහුණුවකින් පසුව බෙන්තර ප්‍රදේශයේ බීච් බෝයිස් ලා දැන් හැඳින්වෙන්නේ බීච් ඔපරෙටර්ස් ලා නමින්. මේ වැඩ සටහනේ කොටසක් වශයෙන් පුහුණුවෙන් අනතුරුව ඔවුන්ට දැන් කහ පාට යුනිෆොර්මයකුත් ලැබිලා.

පුහුණුව ලැබූ බීච් බෝයිස් ලා සහ රියදුරන් මෙන්ම පුහුණුව නොලැබූ බීච් බෝයිස් ලාත් මට හමුවුනේ විසසි විස්ස ලෝක කුසලානය වාර්තා කිරීම සඳහා ශ්‍රී ලංකාවේ සංචාරය කළ අවස්ථාවේ.