ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
බීබීසී ගුවන් විදුලිය හරහා ගාසා තීරයෙන් ඇසෙන හඬ
වසරකට ආසන්න කාලයක් තිස්සේ බීබීසී අරාබි සේවය ගාසා තීරයේ වෙසෙන ජනතාව වෙනුවෙන් දිනපතා ගුවන් විදුලි වැඩසටහනක් විකාශ කරයි.
ඒ මගින්, ඔවුන්ගේ අත්දැකීම් බෙදා ගන්නා අතර ඔවුන්ට අවශ්ය උපදෙස් ලබා දෙයි. බොහෝවිට, අනෙකුත් සියලු සන්නිවේදන මාර්ග විසන්ධි වී ඇති විට එහි වෙසෙන්නන්ට කතා කිරීමට ඔවුන්ට සමීප වීමට ඇති එක ම මාර්ගය ගුවන් විදුලිය යි.
එම වැඩසටහනේ සේවය කරන මාධ්යවේදියෙකු වන අමීරා ඩක්රවුරි අප සමග ඉතා සංවේදී සහ දුක්මුසු අවස්ථා බෙදාගත්තා ය.
බෝම්බ ප්රහාරවලින් තම මිතුරන් සියල්ලන් ම අහිමි වූ ගැහැනු දරුවෙකුගේ සහ පටු තීරුව තුළ විවිධ ස්ථානවලට බලහත්කාරයෙන් අවතැන් වී මාස කිහිපයකට පසු නැවත සම්බන්ධ වන අසල්වැසියන්ගේ ද අත්දැකීම් අපට අසන්නට ලැබිණි.
සජීවී ගුවන් විදුලි වැඩසටහනකට එක්ව සිටියදී ඊශ්රායල් ආරක්ෂක බළකාය විසින් අත්අඩංගුවට ගනු ලැබූ වෛද්ය සේවකයෙකුගේ කතාව ද මෙහි අන්තර්ගත වේ.
