ਖਾਪ ਪੰਚਾਇਤ꞉ ਹਮ-ਜਿਣਸੀ ਵਿਆਹ ਮਨੁੱਖੀ ਨਸਲ ਲਈ ਖ਼ਤਰਾ
ਤਸਵੀਰ ਸਰੋਤ, SAT SINGH/BBC
- ਲੇਖਕ, ਸਤ ਸਿੰਘ
- ਰੋਲ, ਰੋਹਤਕ ਤੋਂ ਬੀਬੀਸੀ ਪੰਜਾਬੀ ਲਈ
- ਪੜ੍ਹਨ ਦਾ ਸਮਾਂ: 3 ਮਿੰਟ
"ਜੇ ਕੋਈ ਮਰਦ ਆਪਸ ਵਿੱਚ ਅਤੇ ਔਰਤਾਂ ਆਪਸ ਵਿੱਚ ਵਿਆਹ ਕਰਵਾਉਣਗੀਆਂ ਤਾਂ ਇਨਸਾਨੀ ਨਸਲ ਅੱਗੇ ਕਿਵੇਂ ਵਧੇਗੀ? ਇਸ ਨਾਲ ਵਿਆਹ ਦੀ ਪਵਿਤਰਤਾ ਖ਼ਤਮ ਹੋ ਜਾਵੇਗੀ।"
ਇਹ ਸ਼ਬਦ ਹਰਿਆਣਾ ਦੀਆਂ ਖਾਪ ਪੰਚਾਇਤਾਂ ਵਿੱਚੋਂ ਇੱਕ ਦੇ ਮੁਖੀ ਓਮ ਪ੍ਰਕਾਸ਼ ਨਾਂਦਲ ਨੇ ਸੁਪਰੀਮ ਕੋਰਟ ਦੇ ਹਮ-ਜਿਣਸੀ ਵਿਆਹਾਂ ਅਤੇ ਅਡਲਟਰੀ ਕਾਨੂੰਨ ਬਾਰੇ ਆਏ ਫੈਸਲੇ ਦੀ ਪ੍ਰਤੀਕਿਰਿਆ ਵਜੋਂ ਕਹੇ।
ਉਹ ਰੋਹਤਕ ਵਿੱਚ ਬੈਠੀ 61 ਪਿੰਡਾਂ ਦੀ ਖਾਪ ਪੰਚਾਇਤ ਵਿੱਚ ਸ਼ਨਿੱਚਰਵਾਰ ਨੂੰ ਬੋਲ ਰਹੇ ਸਨ।
ਇਹ ਵੀ ਪੜ੍ਹੋ:
ਇਸ ਪੰਚਾਇਤ ਵਿੱਚ ਉਪਰੋਕਤ ਦੋਹਾਂ ਫੈਸਲਿਆਂ ਨੂੰ ਖਾਪ ਸੱਭਿਆਚਾਰ ਅਤੇ ਇੱਜ਼ਤ ਉੱਪਰ ਸਿੱਧਾ ਹਮਲਾ ਦੱਸਿਆ ਗਿਆ।
ਤਸਵੀਰ ਸਰੋਤ, SAT SINGH/BBC
ਪੰਚਾਇਤ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੋਂ ਮੰਗ ਕੀਤੀ ਹੈ ਕਿ ਉਹ ਇਨ੍ਹਾਂ ਮਾਮਲਿਆਂ ਬਾਰੇ ਸੰਸਦ ਵਿੱਚ ਇੱਕ ਆਰਡੀਨੈਂਸ ਲੈ ਕੇ ਆਉਣ।
ਉਨ੍ਹਾਂ ਕਿਹਾ, ''ਇਹ ਦੋਵੇਂ ਫੈਸਲੇ ਨੌਜਵਾਨਾਂ ਦਾ ਦਿਮਾਗ ਖ਼ਰਾਬ ਕਰਨਗੇ ਅਤੇ ਉਹ ਅਜਿਹੇ ਕੰਮ ਕਰਨੇ ਸ਼ੁਰੂ ਕਰ ਦੇਣਗੇ ਜੋ ਗੈਰ-ਕੁਦਰਤੀ ਹੋਣ ਦੇ ਨਾਲ-ਨਾਲ ਸਮਾਜਿਕ ਪੱਖੋਂ ਪ੍ਰਵਾਨ ਵੀ ਨਹੀਂ ਹੋਣਗੇ।''
ਉਨ੍ਹਾਂ ਅੱਗੇ ਕਿਹਾ ਕਿ ਆਪਣੇ ਸਾਥੀ ਨਾਲ ਬੇਵਫਾਈ ਕਰਨ ਵਾਲੇ ਵਿਅਕਤੀਆਂ ਨੂੰ ਕਾਨੂੰਨ ਦੇ ਘੇਰੇ ਤੋਂ ਬਾਹਰ ਰੱਖਣ ਨਾਲ ਲੋਕ ਸ਼ਰੇਆਮ ਇੱਕ ਦੂਸਰੇ ਨੂੰ ਧੋਖਾ ਦੇਣਗੇ ਜਿਸ ਕਰਕੇ ਜੁਰਮ ਵਧੇਗਾ ਅਤੇ ਦੁਖਾਂਤ ਵਾਪਰਨਗੇ।
ਅਡਲਟਰੀ ਕਾਨੂੰਨ ਬਾਰੇ ਉਨ੍ਹਾਂ ਕਿਹਾ, "ਪਰਿਵਾਰ ਟੁੱਟਣਗੇ ਕਿਉਂਕਿ ਪਤੀ ਬਿਨਾਂ ਕਾਨੂੰਨ ਦੀ ਪ੍ਰਵਾਹ ਦੇ ਪਤਨੀਆਂ ਨਾਲ ਧੋਖਾ ਕਰਨਗੇ। ਧੋਖਾ ਦੇਣਾ ਆਪਣੇ-ਆਪ ਵਿੱਚ ਅਨੈਤਿਕ ਕੰਮ ਹੈ ਅਤੇ ਸਾਡੇ ਸਮਾਜ ਨੂੰ ਅੰਨ੍ਹੇਵਾਹ ਆਧੁਨਿਕਤਾ ਦੇ ਨਾਂ ਹੇਠ ਪੱਛਮੀਂ ਦੇਸਾਂ ਦੇ ਤਰਜ਼ 'ਤੇ ਜਿੰਦਗੀ ਨਹੀਂ ਅਪਣਾਉਣੀ ਚਾਹੀਦੀ।"
ਤਸਵੀਰ ਸਰੋਤ, SAT SINGH/BBC
ਓਮ ਪ੍ਰਕਾਸ਼ ਨੇ ਸਪਸ਼ਟ ਕੀਤਾ ਕਿ ਉਹ ਸੁਪਰੀਮ ਕੋਰਟ ਪਰ ਉੱਤਰੀ ਭਾਰਤ ਦੇ ਰੀਤ-ਰਿਵਾਜ਼ ਦੱਖਣੀ ਭਾਰਤ ਨਾਲੋਂ ਵੱਖਰੇ ਹਨ। ਸਭਿਆਚਾਰਾਂ ਅਤੇ ਰਵਾਇਤਾਂ ਨੂੰ ਅਪਨਾਉਣ ਵਿੱਚ ਵੱਡਾ ਫਰਕ ਹੈ।
ਲਿਵ-ਇਨ ਰਿਲੇਸ਼ਨਸ਼ਿਪ ਬਾਰੇ ਵੀ ਸਵਾਲ
ਖਾਪ ਪੰਚਾਇਤਾਂ ਨੇ ਲਿਵ-ਇਨ ਰਿਲੇਸ਼ਨਸ਼ਿਪ ਵਿੱਚ ਰਹਿਣ ਵਾਲੇ ਜੋੜਿਆਂ ਦੀ ਕਾਨੂੰਨੀ ਮਾਨਤਾ ਬਾਰੇ ਵੀ ਸਵਾਲ ਚੁੱਕੇ।
ਖਾਪ ਆਗੂਆਂ ਨੇ ਕਿਹਾ ਕਿ ਅਜਿਹੇ ਜੋੜਿਆਂ ਲਈ "ਸਾਥੀ ਬਦਲਣ ਦੀ ਥਾਂ ਵਿਆਹ ਕਰਵਾਉਣ ਲਈ ਛੇ ਮਹੀਨਿਆਂ ਦੀ ਸਮਾਂ-ਹੱਦ ਮਿੱਥੀ ਜਾਣੀ ਚਾਹੀਦੀ ਹੈ।"
ਨਾਂਦਲ ਖਾਪ ਦੇ ਬੁਲਾਰੇ ਦੇਵਰਾਜ ਨਾਂਦਲ ਨੇ ਦੱਸਿਆ ਖਾਪ ਨੇ ਇਨ੍ਹਾਂ ਤਿੰਨਾਂ ਮੁੱਦਿਆਂ ਬਾਰੇ ਸਰਬਸੰਮਤੀ ਨਾਲ ਮਤੇ ਪਾਸ ਕੀਤੇ ਹਨ; ਖ਼ਾਸ ਕਰਕੇ ਅਡਲਟਰੀ ਕਾਨੂੰਨ ਦੇ ਖਾਤਮੇ, ਹਮ-ਜਿਣਸੀ ਸੰਬੰਧਾਂ ਅਤੇ ਲਿਵ-ਇਨ ਰਿਸ਼ਤਿਆਂ ਉੱਪਰ ਕੁੰਡਾ ਰੱਖਣ ਬਾਰੇ।
ਤਸਵੀਰ ਸਰੋਤ, SAT SINGH/BBC
"ਨਾਂਦਲ ਖਾਪ ਕਿਸੇ ਵਿਅਕਤੀ ਦੀ ਕਿਸੇ ਕਿਸਮ ਦੀ ਆਜ਼ਾਦੀ ਦੇ ਖਿਲਾਫ਼ ਨਹੀਂ ਹੈ ਪਰ ਵਿਸ਼ਾਲ ਅਰਥਾਂ ਵਿੱਚ ਇਹ ਇੱਕ ਸਮਾਜਿਕ ਮੁੱਦਾ ਹੈ।"
ਦੇਵਰਾਜ ਨੇ ਕਿਹਾ ਕਿ ਇਨ੍ਹਾਂ ਰਿਸ਼ਤਿਆਂ ਤੋਂ ਪੈਦਾ ਹੋਣ ਵਾਲੇ ਬੱਚੇ ਅਣ-ਵਿਆਹੇ ਔਰਤਾਂ ਅਤੇ ਮਰਦਾਂ ਦੇ ਹੋਣਗੇ।
ਇਹ ਵੀ ਪੜ੍ਹੋ꞉
ਉਨ੍ਹਾਂ ਕਿਹਾ, "ਅਜਿਹੇ ਬੱਚਿਆਂ ਨੂੰ ਜਾਇਦਾਦ ਉੱਪਰ ਆਪਣਾ ਜਾਇਜ਼ ਹੱਕ ਸਾਬਤ ਕਰਨ ਵਿੱਚ ਦਿੱਕਤ ਹੋਵੇਗੀ ਅਤੇ ਉਹ ਆਪਣੇ ਮਾਪਿਆਂ ਦੇ ਮਾੜੇ-ਕਰਮਾਂ ਦੀ ਸ਼ਰਮਿੰਦਗੀ ਵਿੱਚ ਜਿਉਣਗੇ।
ਨਾਂਦਲ ਖਾਪ ਨੇ ਚੇਤਾਵਨੀ ਦਿੱਤੀ ਕਿ ਜੇ ਪ੍ਰਧਾਨ ਮੰਤਰੀ ਦਫ਼ਤਰ ਨੇ ਉਨ੍ਹਾਂ ਦੀਆਂ ਮੰਗਾਂ ਨਾ ਮੰਨੀਆਂ ਤਾਂ ਉਨ੍ਹਾਂ ਨੂੰ ਸੂਬੇ ਅਤੇ ਇਸ ਤੋਂ ਬਾਹਰ ਇੱਕ ਵੱਡਾ ਸੰਘਰਸ਼ ਵਿਢਣਾ ਪਵੇਗਾ।
ਤੁਹਾਨੂੰ ਇਹ ਵੀਡੀਓ ਵੀ ਵਧੀਆ ਲੱਗ ਸਕਦੇ ਹਨ꞉
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 1
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 2
