Ghana Council of State election results update: ET Mensah go rep Greater Accra, Mahmoud Tahiru to rep Northern Region - Follow EC latest results here
Wia dis foto come from, @ECGhanaOfficial
Ghana Council of State election results for regional representatives wey go join President Nana Akufo-Addo appointees don begin come out, according to Electoral Commission [EC].
Ghana EC don declare Enoch Teye Mensah, wey be former Mayor of Greater Accra Region as di Council of State Member for di Greater Accra Region.
[Ghana Council of State election results] - Greater Accra rep
Na George Kwame Amoah, Greater Accra Regional Director of Electoral Commission, declare am winner.
ET Mensah na candidate of di main oppositino National Democratic Congress [NDC] wey contest against President Akufo-Addo New Patriotic Party [NPP] candidate.
Wia dis foto come from, NDC TV
Di election office organise council of state elections nationwide to elect members on Friday 12 February, 2021 for different regions for di kontri.
[Ghana Council of State election results] - Norhern Region rep
Wia dis foto come from, Other
Mahmoud Tahiru Zunglana, a 61 year old retired Colonel win election as Council of State member for di Northern Region.
Di retired Colonel polled 23 votes to beat three others who contest di position in di region.
Northern Regional Director of di Electoral Commission, Lucas Yiryel supervise di elections.
End of Di one wey oda users dey read well well
Wia dis foto come from, Other
Refresh dis page for more results wey Electoral Commission declare
[Ghana Council of State] - Which power dem get?
For Ghana di council of state na small group of important citizens wey dey advise di President on national issues. according to 1992 constitution for di kontri.
Dis election dey come few weeks afta di kontri December 7 general election wey elect President Nana Akufo Addo for office for second term.
Wia dis foto come from, Jubilee House
[Ghana Council of State] - Membership
Di Council of State go include one former Chief Justice of Ghana, a former Chief of Defence Staff and a former Inspector General of Police and di President of di National House of Chiefs. Each region of Ghana also get elected representative.
Di President of Ghana go also appoints eleven members. Di members go stay for office until di term of office of di president end.
How Ghana council of state members dey work
Di Council of State dey play major role to play for di governance of di kontri.
According to di 1992 constitution for di kontri. (Chapter 9, Article 89) dia work na to "counsel di President in di performance of im duties"
Na advisory role, especially when e gatz do wit difficult decisions or when crisis dey ground dem dey use wisdom to resolve di mata.
