Big Brethren Ghana na Big Brother Franchise? See five facts about de ‘low budget’ reality show

Di new Big Brethren Ghana don stir up debate among social media users dis week.

Social media users for Ghana dey ask kwesions about who dey behind de show, for most people dis show be yawa.

So BBC Pidgin don find out five facts you need to know about de about 'low budget' reality show.

Multichoice Ghana say dem no get anything to do wit Big Brethren reality show which dey go for di kontri, based onwetin BBC Pidgin find out.

Dem say "dem no partner wit any company to produce any show" na wetin dem tok for inside statement

Dis na five facts you suppose know about di Big Brethren reality show

1. Big Brethren Ghana be parody show wey dey run on Facebook live like de way Big Brother Naija dey operate.

2. Most of de male housemates dey do cross dressing, dem no sheda be organized well, except say you go see dem on Facebook live.

3. Multichoice Ghana, franchise wey provide DSTV content for de country issue offices disclaimer say dem dis 'Big Brethren Ghana' no get association with de highly successful Big Brother Show.

4. Most Ghanaians no show interest in de Facebook show sake of de show no be known to de public.

5. Multichoice Managing Director, Cecil Sunkwa Mills, dem no get any current plans to launch Ghana edition of Big Brother Show.

How pipo react for social media about di show