Bet Awards 2025: Ayra Starr, Kendrick Lamar and odas wey shine dis year
Wia dis foto come from, Getty Images
Kendrick Lamar na di biggest winner for di 2025 BET Awards, as e win five awards for di event.
Di awards night happun for di Peacock Theater for Los Angeles on Monday June 9, 2025.
Di five awards wey Lamar win na – album of di year for GNX, best collaboration for "Luther" wit SZA, best male hip hop artist (for a record-extending eighth time), video of di year for "Not Like Us" and video director of di year in tandem wit Dave Free.
Lamar bin win album of di year seven years ago for DAMN. Na only Lamar and Beyoncé wey be di only artists to win di category two times.
Dem bin introduce di category for 2017 and na Beyonce bin win am for Lemonade and Renaissance.
GNX, wey be leading Grammy candidate for album of di year for 2026, beat three albums wey bin win for Grammys in February – Beyoncé Cowboy Carter (album of di year and best country album), Chris Brown 11:11 Deluxe (best R&B album) and Doechii Alligator Bites Never Heal (best rap album).
SZA and Chris Brown win two awards each. SZA win best female R&B/pop artist for di third year back to back. She also win di award for best collaboration.
SZA na just di third artist to win best female R&B/pop artist three or more times. Beyoncé na im dey lead wit 10 wins for di category. Alicia Keys bin also win am three times.
Chris Brown win best male R&B/pop artist for a record-extending eighth time. Im song "Residuals" win di Viewer's Choice Award.
Na di fourth time Chris Brown dey win for dis category, na only Beyonce bin don equal dis record and also pass di record.
She bin win am five times and Lil Wayne also don win am four times before.
For di awards, fans remember Luther Vandross for two categories: "Luther" win best collaboration, and di documentary Luther: Never Too Much win best movie.
Dis na di second year back to back wey dat film about a music legend dey win dat category. Bob Marley: One Love bin win last year.
Doechii win best female hip hop artist. Na her first BET Award. She give emotional speech to support di protesters outside di venue wey dey protest against Di kasala wey ICE arrests dey cause for Los Angeles
Full list of winners
- Best Female R&B/Pop Artist – SZA
- Best Male R&B/Pop Artist – Chris Brown
- Best Group – Future & Metro Boomin
- Best Collaboration – "Luther" – Kendrick Lamar & SZA
- Best Male Hip Hop Artist – Kendrick Lamar
- Best Female Hip Hop Artist – Doechii
- Video of the Year – "Not Like Us" – Kendrick Lamar
- Video Director of the Year – Dave Free & Kendrick Lamar
- Best New Artist – Leon Thomas
- Album of the Year – GNX – Kendrick Lamar
- Dr. Bobby Jones Best Gospel/Inspirational Award – "Rain Down on Me" – GloRilla feat. Kirk Franklin, Maverick City Music
- Best Actress – Cynthia Erivo
- Best Actor – Denzel Washington
- Best Movie – Luther: Never Too Much#
- Young Stars Award – Blue Ivy Carter
- Sportswoman of the Year – Angel Reese (Basketball)
- Sportsman of the Year – Jalen Hurts (Football)
- BET Her Award – "Heart of a Woman" – Summer Walker
- Best International Act- Ayra Starr (Nigeria)
- Best New International Act - TXC (South Africa)
For di awards dem give special tributes to three legendary artists wey die last year. Di pipo na Quincy Jones, Roberta Flack and Angie Stone. Luke James, Miles Caton and Lucky Daye bin perform Jones' 1990 hit "The Secret Garden (Sweet Seduction Suite)."
Andra Day sang Flack's 1973 classic "Killing Me Softly With His Song." Brittney Spencer sang Stone's 1999 hit "No More Rain (In This Cloud)." The multiple In Memoriam segments included Cissy Houston, James Earl Jones, Tito Jackson, Roy Ayers, Frankie Beverly and poet Nikki Giovanni.
Oda pipo wey dem honour na Kirk Franklin, Mariah Carey, Snoop Dogg and Jamie Foxx.
