Nigerian states wit di highest budgets for 2026 and dia priorities

As we enta di second month of 2026, Nigerian state govnors don alreadi begin dey carry out some of di projects wey dem plan for dis year budget.

Dis year, states don add more amounts of money to dia current year budget, wey show say states dey receive more funding from di federal govment.

Many states wan justify di implementation of major development projects, so dem gatz increase dia spending by 2026.

Some states also cite rising commodity prices and devaluation of di currency as reasons why dem increase dia budget.

Dis year, many states for Nigeria don budget excess of one trillion naira, dis na according to data from BudgIT, group wey dey analyse budget.

Based on BudgIT statistics, we identify di 10 states for Nigeria wey get di largest budgets for 2026.

Make we look di states and how much dem budget:

Abia - ₦1.016 trillion

Abia State for di south-eastern region of Nigeria dey among di 10 states for di kontri wey don pass dia budget for di year 2026.

Data from BudgIT show say di state budget total of 1.016 trillion naira.

On December 29, 2025, di state Govnor Alex Otti sign di state budget afta approval by di state assembly.

According to BudgIT, di state allocate 811.8 billion naira for capital projects, while e allocate 204.4 billion naira for routine projects.

During di budget presentation, di govnor say education and road construction go be di areas wey go receive di most funding.

According to di 2022 population estimate, di state get population of 4.143 million.

Niger - ₦1.31 trillion

Niger State wey dey located for di North-Eastern geopolitical zone of Nigeria don join di list of states for di kontri wey don make big budget for 2026.

Data from BudgIT show say di state budget total of 1.310 trillion naira.

Di state don allocate 761.6 billion naira for capital projects, while e also allocate 270.3 billion naira for routine operations.

Niger get population of 6.78 million according to di state 2022 population estimate.

While presenting di budget, di state Govnor Mohammed Umar Bago say agriculture, education and health sectors go be dia top priority.

Akwa Ibom - ₦1.390 trillion

Akwa Ibom State for di south-eastern part of Nigeria dey among di states wit di highest budget for di kontri for 2026.

BudgIT figures show say di state present budget of 1.390 trillion naira.

Di group report show say di state allocate 1.035 trillion naira for capital project, dem budget 353.9 billion naira for oda projects.

During di budget signing ceremony, di state govnor, Umo Eno, say road construction, education and health na di areas wey go receive priority.

Imo - ₦1.43 trillion

Imo State join di list of states for Nigeria wey don present large budget for 2026.

According to BudgIT statistics, di state budget 1.43 trillion naira dis year.

Di figures show say capital projects sector go cost 1.201 trillion naira, while di daily projects sector go cost 238.5 billion naira.

During di signing of di state budget, Govnor Hope Uzodimma say di budget go prioritise areas of infrastructure, job creation and improve di lives of di pipo.

Kano - ₦1.47 trillion

Kano State for di northwestern geopolitical zone of di kontri na di second state for di north afta Niger State wit budget of ova one trillion naira.

BudgIT data show say Kano State budget total of 1.47 trillion naira.

On December 31, 2025, di state Govnor Abba Kabir Yusuf sign di budget into law, following approval by di state assembly.

Education, infrastructure, and health dey top of di areas wey di budget go focus on.

Kano State get population of about 15.46 million, based on di 2022 population estimate.

Enugu - ₦1.62 trillion

Enugu State na di third state for di South-Eastern geopolitical zone to get surplus budget for 2026.

Data from BudgIT show say di state budget 1.62 trillion naira.

Dem allocate 1.3 trillion naira for major projects, while daily operations get 321 billion naira.

During di presentation of di budget, di State Govnor Peter Mbah say di areas wey di budget go focus on go include education, health, infrastructure and transportation.

Delta - ₦1.664 trillion

Di oil-rich Delta State for south-south Nigeria dey lead di di geopolitical zone wit dia 2026 budget.

Figures show say di state budget 1.66 trillion naira dis year.

According to BudgIT, di state allocate 1.165 trillion naira for capital projects, while dem allocate 499 billion naira for day-to-day administration.

While signing di budget, di State Govnor Sheriff Oborevwori say di budget go prioritise areas of infrastructure development and urban and economic development.

Ogun - ₦1.668 trillion

Ogun State dey located for di southwestern geopolitical zone of Nigeria. Dem be di number eighth state among di 10 states for di kontri wit di highest budget for 2026.

Di state get di largest number of major industries for di kontri, and dem don budget 1.66 trillion naira.

While dem allocate 1.044 trillion naira for capital projects, di day-to-day administration sector receive 624.8 billion naira

Rivers - ₦1.854 trillion

Rivers State na one of di states for di South-South geopolitical zone wit budget wey exceed one trillion naira.

Rivers get di most oil reserves of any state for Nigeria and dem budget 1.854 trillion naira.

Di sectors wey go receive di most funding na infrastructure, education, and health.

Lagos - ₦4.237 trillion

Lagos State na di largest spender among Nigerian states for 2026.

Lagos, wey be home to large port and industrial complex, allocate 4.337 trillion naira according to BudgIT figures.

Di state allocate 2.185 trillion naira for capital projects, while di day-to-day administration sector receive 2.052 trillion naira.

Di areas wey receive di most attention include infrastructures and di economy.