د ابو خباب المصري په سر واشنگټن پنځه ميليونه ډالر اېښي وو.

دغه وينا د يکشنبې په ورځ د انټرنېټ له لارې ځينو رسنيو ته لېږل شوې ده .

په خبرپاڼه کې دا هم ويل شوي چې د وژل شويو قومندانانو په ډله کې يو د چاودېدونکيو توکيو تکړه کارپوه هم شامل دى ، چې د امريکا له خوايې په تور لېست کې نوم ليکل شوى دى .

د چاوېدونکيو توکيو دغه کارپوه ابو خباب المصري نومېږي، چې واشنگټن يې په سر پنځه ميليون ډالره اېښي وو .

'' ايمن الظواهري ژوندى دى''

نوموړى د القاعدې د جنگياليو د روزلو دنده هم پر غاړه لرله او د هغې ترڅنگ يې د چاودېدونکيو توکيو د يو ځاى کولو چل نورو ته ور ښوده .

داسې ويل کېږي چې نوموړي په ٢٠٠٠ کال کې د په يمن کې هغو ځانمرگو بريدکوونکو ته ټريننگ ورکړى و، چې په يمن کې يې ١٧ امريکايي پوځيان ووژل .

په دغه پاڼه کې دا هم ويل شوي چې '' المصري يو شمېر داسې نور ماهرين هم روزلي دي، چې د ده ځاى به ونيسي .''

خو په پاڼه کې دا نه دي ويل شوي چ ايا دى او د ده درې نور ملگري قومندانان چېرې او څنگه وژل شوي دي .

په دغه پاڼه کې د تېر جولاى مياشتې ٣٠ نېټه کښل شوې ده او په افغانستان کې د القاعده د لوړپوړي قومندان مصطفى ابو يزيد لاسليک هم ورباندې شوى دى .