ښاغلى پټريوس وايي چې موږ بايد له عراقه د القاعده ډلې د وتلو تمه ونه لرو .

ښاغلي پټريوس له اسوشېټېډ پرېس سره په خبرو کې ويلي چې داسې ثبوتونه شته چې افغانستان د عراق پرځاى اوس بهرني اورپکي افغانستان ته خپل جنگيالي لېږي .

خو ده زياته کړې ده چې دا په دې مانا نه ده چې اورپکي په عراق کې خپله جگړه پاى ته رسوي، '' خو په ټينگار سره ويلى شو چې اوس د القاعده ډله په عراق کې د خپلې جگړې په نوي تاکتيک کارکوي .'

ښاغلي پټريوس ټينگار کړى چې داسې استخباراتي معلومات شته چې وسله وال خپل جنگيالي د افغانستان او پاکستان گډو سرحدي قبايلي سيمو ته لېږي .

واشنگټن تل په دې وېره کې دى چې وسله وال له پولې هاخوا افغانستان ته اوړي او هلته د ناامنيو ډېروالي ته لمنه وهي .

د امريکا د دفاع وزير رابرټ گېټس لا له وړاندې ويلي وو چې د افغانستان او پاکستان پر گډه پوله به د وسله والو د تگ راتگ په درېدو کې خپلې هڅې جاري وساتي .