هدايت الله هميم بي بي سي پښتو ټکى کام

	عراقي حکومت وايي دغه هوکړه يې د ملي گټو د خونديتوب له امله کړې ده .

نوموړى گوند په عراقي کې تر ټولو لوى سني سياسي گوند دى، عراقي حکومت په خپل پارلمان کې د نويو سني غړيو شاملول په دغه هېواد کې د ملي گټو د خونديېنې په موخه کړى دى .

د دغې مخالفې ټلوالې له راتلو وړاندې د سنيانو رايه د وزيرانو په اوسنۍ شورا کې په نشت حساب وه او ټول واک د شيعه گانو او کردانو په لاس کې و .

نن شنبه، د عراق پارلمان د هغو سني کانديدانو نومونه اعلان کړل چې په عراقي حکومت کې به ورته د ځينو وزرارتونو څوکۍ ورکړل شي .

پارلمان د وزيرانو د مشر رافع العيساري (سني) د برحاله کېدا پرېکړه هم وکړه .

د سني ډلې په دغه لېست کې لس وزيران شامل دي ، چې شپږ يې د عراق د توافق د گوند کسان دي، څلور يې د عراق د يووالي د ايتلاف د ډلې غړي دي، چې له دې وړاندې له حکومته ليرې پاتې شوي وو .

	د عراق په پارلمان کې ډېرى لاس بري شيعه گان او کردان دي .

د عراق د پارلمان منشي طه درع السعدي ويلي چې په دغه لېست کې رافع العيساري د وزيرانو د مشر مرستيال ټاکل شوى، او عبدذياب العجيلي د لوړو زده کړو وزير، ماهر الحديثي د اطلاعات او کلتور وزير، فاروق عبدالقادر عبدالرحمن د مخابراتو وزير، محمد الدليمي په دولت کې د بهرنيو چارو وزير او نوال مجيد حميد د ښځو د چارو وزيره ټاکل شوي دي .

برتانوي ځواکونه

بل پلو نن شنبه د برتانيا لومړى وزير گورډن براون بغداد ته تللى او هلته يې له نوري المالکي سره ليدلي دي .

دوى دواړوپه عراق کې د مېشتو برتانوي ځواکونو سربېره د دواړو هېوادونو ترمنځ د يو شمېر اقتصادي مرستو د لارو چارو په اړه خبرې اترې کړې دي .

ښاغلى براون په يوه ناڅاپي سفر بغداد ته تللى دى ، چې ټاکل شوې ده چې له يو شمېر عراقي لوړپوړ عراقي چارواکو سره وگوري .

ښاغلي براون لا له وړاندې ويلي وو چې حکومت يې نيت لري چې په بصره کې د خپلو مېشتو ٤١٠٠ پوځيانو شمېره ٢٥٠٠ راټيټه کړي .

په تېر ديسمبر مياشت کې برتانوي پوځيانو د بصرې امنيتي چارې عراقي پوځيانو ته وسپارلې، او خپل شتون يې يوازې د دغه هېواد د هوايي ډگر په پوځي اډه کې را ټول کړ .