ځانمرگى بريد د رضاکارانو عراقي پوځيانو د گڼې گوڼې په منځ کې شوى دى .

عراقي پوليسو ويلي چې دغه ځانمرگي بريدونه د عراق د پلازمېنې بغداد شمال ته په ٦٠ کيلومترۍ کې سهار وختي شوي دي .

عراقي پوليس زياتوي چې ښايي د وژل شويو او ټپيانو شمېره تردې هم واوړي .

د پوليسو پروينا، له روان تاوتريخوالي سره سره، په عراق کې په زرگونه کسان په عراقي پوځې د شاملېدا لېوال دي .

د فرانسي خبري اژانس خبر ورکړى چې دوه پرلپسي ځانمرگو بريدونو لسگونه خلکو ته مرگ ژوبله واړوله .

د اسوشېټېډپرېس خبري اژانس د عراقي پوليسو له خولې ويلي چې يوه ځانمرگي بريد کوونکي د عراقي رضاکارانو پوځيانو د گڼې گوڼې په منځ کې خپل ځان وچووۀ .

که څه هم د دياله اوسېدونکي زياتره سني عربان دي، خو په دغه سيمه کې شيعه او عراقي کردي لږکي هم مېشت دي .

په عراق کې د امنيتي چارواکو پروينا، د القاعده ډلې غړي چې د امريکايي او عراقي پوځ د پرلپسې عملياتو په پايله کې په سيمه کې کمزوري کړل شول، دوى غواړي چې د ځانمرگو بريدونو په ترسره کولو سره سيمه ناامنه کړي او له توکميزه او ډله ييزو اختلافاتو ناوړه گټه واخلي .

تېره اوونۍ په عراق کې د امريکا پوځ وياندويلي وه چې د تېر کال د جولاى مياشتې په پرتله په عراق کې د ځانمرگو بريدونه شمېره په روان جولاى مياشت کې ٨٥ په سلو کې کمه شوې ده .