باراک اوباما په ٢٥ ايالتونو کې د برياليتوب سربېره اوس د نمايندگانو ١٥٧٨ څوکۍ خپلې کړې دي .

په امريکا کې د رايو معلومولو لومړنيو څېړنو ښوولې وه چې ښاغلى اوباما به په هغو ايالتونو کې ډېرى پلويان خپل کړي چېرې چې ډېرکي افريقايي توکه وگړي اوسېږي .

د مسيسيبي ايالت هم د نورو ايالتونو په شان په راتلونکي اگسټ مياشت کې دديموکرات گوند د ټاکنيزې کېدونکې شورى لپاره ٣٣ څوکۍ لري .

تر دې وړاندې هم اوباما د خپلې سيالې کلينټن دا خبره رد کړې وه چې گواکې دى د امريکا د ولسمشر د مرستيالۍ څوکۍ ته د رسېدو لپاره سيالي کوي .

په کولومبس ښار کې ښاغلي اوباما خپلو پلويانو د څرگندونو په ترڅ کې وويل چې تراوسه دى په دې سيالۍ کې په يو شمېر ايالتونو کې پر هيلري کلينټن يوگام وړاندې دى .

اوباما زياتوي چې قضاوت به نور رايه ورکوونکو ته پرېږدو چې له موږ څخه کوم يو د جمهوري غوښتونکو د گوند لپاره گټور بولي .

په مسيسيبې ايالت کې ښاغلى اوباما تراوسه پر خپله سياله هيلري کلينټن يو گام وړاندې دى .

	د امريکا پخواني ولسمشر بېل کلينټن ويلي چې دده مېرمن هيلري کلينټن او اوباما يوه نه ماتې خوړونکې ډله تشکيلوي .

نوموړى د ٢٥ ايالتونو په برياليتوب سربېره اوس د نمايندگانو ١٥٧٨ څوکۍ خپلې کړې دي .

خو تېره اوونۍ د ټکساس او اوهايو ايالتونو سربېره په ٢٦ ايالتونو کې هيلري کلينټن هم د نمايندگانو ١٤٦٨ څوکۍ ترلاسه کړي دي .

اغلې هيلري کلينټن په وينسلفانيا ايالت کې د راتلونکې اپريل په مياشت کې کېدونکو لومړنيو ټاکنو ته د تياري په تکل ده .

بل پلو نوموړې په سکارنټون کې خپلو پلويانو ته ويلي چې له نړۍ سره د امريکا ښه اړيکي او په عراق کې جگړه پاى ته رسول له خپلو لومړيتوبونو څخه بولي .