اوباما د خپل بهرني سياست په اړه شوې نيوکې رد کړې .

هيلري کلنټن به د اوباما پر وړاندې خپلې سيالۍ ته دوام ورکوي .

سناتورې هيلري کلنټن د ديموکرات گوند د سناتور باراک اوباما پر وړاندې په خپل دريځ ټينگه ولاړه ده .

څارونکي وايي په ټکساس او اوهايو ايالتونو کې به د هيلري کلنټن ماتې د اوباما انتخاباتي کمپاين لانورهم گړندى کړي .

سناتور الينوى هم په تېرو دوو مياشتو کې پر خپلې سيالې ١١ پرله پسې برياوې ترلاسه کړې .

ښاغلي اوباما په راتلونکي اگسټ کې د امريکا د ولسمشرۍ لپاره د کېدونکو ټاکنو لپاره د نمايندگانو له ٢٠٢٥ څوکيو څخه اوسمهال ١٣٨٥ خپلې کړې دي .

خو، هيلري دنمايندگانو ايله ١٢٧٦ څوکۍ په لاس کې لري، چې د ټکساس او اوهايو ايالتونه ددواړو نوماندو لپاره ځانگړى اهميت لري .

د رپوټونو له مخې په دې دواړو ايالتونو کې به دواړه کانديدان د نمايندگانو د ټولټال ٣٧٠ څوکيو خپلولو لپاره سخته سيالي وکړي .

د يادونې وړ ده چې د تېر جنوري دمياشتې په لومړنيو ټاکنو کې اغلې هيلري ونشو کړاى چې پر اوباما بريا ترلاسه کړي .

په ټکساس، اوهايو، ويرمونټ او روډ آينلډ ايالتونو کې د نمايندگانو د٢٥٠ څوکيو خپلولو لپاره هم د جمهوري غوښتونکي گوند په منځ کې سخته سيالي روانه ده .

جان ماکين او د هغه سيال مايک هاکبي هم د نمايندگانو د ٢٥٠ څوکيو پر سر سيالي کوي .

خو ښاغلى هاکبي د نمايندگانو ايله ٢٥٧ څوکۍ په لاس کې لري .

ښاغلى جان ماکين اوسمهال ١٠١٤ رايې خپلې کړې دي، چې د جمهوريت غوښتونکي گوند د کانديدۍ لپاره ايله ١٧٧ نورو رايو خپلولو ته اړتيا لري ، چې په امريکا کې د جمهوريت غوښتونکو په گوند کې د اصلي کانديدۍ لپاره د نمايندگانو ١١٩١ څوکۍ اړينې دي .