د پاکستان عمومي ټاکنې به د راتلونکې دوشنبې په ورځ (فبرورۍ ١٨) نېټه ترسره شي .

په داسې حال کې چې د پاکستان په کورمه کې ځانمرگى بريد کړى، په شمالي وزيرستان کې د ناپېژاندو اورپکو او دولتي ځواکونو ترمنځ نښته هم رامنځته شوې ده .

دغه چاودنه چې په قبايلي سيمه باجوړ کې شوې، شاخوا ١٤٦ تنو ته يې مرگ ژوبله اړولې او يوه ودانۍ يې ويجاړه کړې ده .

ځانمرگي بريدکوونکي غواړي د فبرورۍ د ١٨ ټاکنې ټکنۍ کړي او پاکستان له ديموکراسۍ راوگرځوي .

پاکستاني چارواکي وايي دوى له خپلو زياتو هلوځلو وروسته اوس دې پايلې ته رسېدلي چې راتلونکي انتخابات به ازادانه او مناسبه فضا کې ترسره کېږي .

بل پلو په شمالي وزيرستان کې د ناڅرگندو اورپکو او دولتي ځواکونو ترمنځ نښته شوې چې يوشمېر اورپکي پکې وژل شوي .

د پاکستاني چارواکو پروينا، دغه پېښه نن سهار(شنبه، دفبرورۍ ١٦) د شمالي وزيرستان ترمنځ او 'ټل' ترمنځ پر 'ميرعلي سړک' رامنځته شوه .

چارواکي وايي دغه اورپکي په موټر کې روان ول چې ددولتي ځواکونو لخوا پرې بريد وشو، خو تر دمگړۍ د مرگ ژوبلې خبر نه دى راغلى .

له دې وړاندې هم په چارسده، پېښور ، پينډۍ او وزيرستان کې د انتخاباتي کمپاين په لاريونونو کې ځانمرګي بريدونه ترسره شوي دي چې په کې په لسګونو کسان مړه او ټپيان شوي دي .

د پاکستان د پيپلزپارټۍ مشره بېنظير بوټو هم شاوخوا دوه مياشتې وړاندې په يوه ځانمرګي بريد کې ووژل شوه .