باراک اوباما پرله پسې برياوې گټي .

د اسوشېټډ پرېس خبري اژانس پروينا ښاغلي اوباما په ويرجينيا ايالت کې د نارينه وو درېيمه او د ښځينه وو په لسو کې درېيمه برخه رايې گټلې دي .

مخکېنيو رپوټونو دا هم ويلي وو چې آغلې کلينټن د ښځينه وو اغلبيت رايې ترلاسه کړې وې او اوباما د نارينه وو زياتره رايې خپلې کړې وې .

په تور پوستوکانديدانو کې، چې سناتور ايلينويس هم له دې ډلې دى اوباما په ښکاره ډول تر ټولو هغو وړاندې روان دى .

د اسوشېټډ پرېس پروينا، ښاغلى اوباما به د امريکا لومړى ولسمشر وي چې د تور پوستو له لسو کانديدانو څخه نهه رايې ترلاسه کوي .

جمهوريت غوښتونکي

آغلې کلينټن په راتلونکې مياشت کې د اوهايو او ټکساس په ايالتونو کې لومړنيو ټاکنو ته په اندېښنه کې ده، خو بيا هم د خپل ځان د بريا تمه لري .

د ټکساس ايالت په 'ال باسو' کې اغلې کلينټن خپلو پلويانو ته وويل نوموړې تر وروستي بريده هڅه کوي چې پر اوباما بريا ترلاسه کړي .

دې وويل:'' ټکساس ته به په راتلونکو درېيو اوونيو کې ننوځو، زه په ډاگه وايم چې زموږ پيغام څه شى دى او د متحدو ايالتونو لپاره څه غواړو، هرڅوک چې ولسمشري غواړي بايد د امريکا اقتصاد پياوړى کړي، ماهم خپل بخت ازمويلى موږ بايد خپلو هيلو ته ورسيږو .''

بل خوا سناتور جام مکين په ويرجينيا کې د محافظه کارانو رايو گټلو وروسته په ميريلانډ او واشنگټن کې هم بريا ترلاسه کړې ده .

د اسوشېټډ پرېس پروينا، هغه جمهوري غوښتونکي چې ځانونه محافظه کاران بولي، په ويرجينياايالت کې د جمهوريت غوښتونکو کانديدانو درېيمه برخه جوړوي .

رپوټونه دا هم وايي چې د جمهوريت غوښتونکو ډېرى د جام مکين د رقيب په گټه خپلې رايي کارولې دي .

پر هکبي دا فشار هم وو چې د حزب د ټينگښت په موخه له سيالۍ لاس واخلي، خو نوموړي لا پر خپل دريځ ټينگ ولاړ دى .