تېر زيږديز کال په پاکستان کې تر ٥٠ زيات ځانمرگي بريدونه شوي چې لږ ترلږه ٨٠٠ خلک پکې وژل شوي دي.

چارواکي وايي نيول شوى ځانمرگى د دېره اسماعيل خان د عبدل خېل کلي اوسېدونکى دى او داسې گومان کېږي چې پر طالب پلوه ملا مولانا فضل الرحمن د بريد لپاره روزل شوى دى.

په سيمه کې د پوليسو مشر سرفرازخان وايي چې پوليسو يو شکمن ځانمرگى بريد کوونکى نيولى دى.

د پوليسو مشر وايي:'' نن ( يکشنبې، د جنورۍ ٣) زموږ پوليسو يو شکمن ځانمرگى بريد کوونکى ونيو او ددوه نورو شکمنو ځانمرگو بريد کوونکو په لټه کې دي.''

په تېره مياشت کې د پاکستان د پخوانۍ لومړۍ وزيرې بېنظير بوټو له وژل کېدو وروسته په دغه هېواد کې د نانيول شوو اورپکو شمېره ورځ په ورځ زياتىږي چې له امله يې د پاکستان د راتلونکې فبرورۍ مياشتې د ١٨ نېټې ټاکنو نړيوال هم اندېښمن کړي دي.
تېره مياشت هم پوليسو په دېره اسماعيل خان کې يو ١٥ کلن ځوان اعتزازشاه له خپل ''پوځي ښوونکي'' سره ونيول.

نوموړي پوليسو ته ويلي وو چې گواکې د پاکستان د پخوانۍلومړۍ وزيرې بېنظير بوټو په وژلو کې لاس درلود.

د واشنگټن او اسلام اباد لخوا د پاکستاني اورپکو مشر بيت الله محسود د بېنظير بوټو په وژلو تورن بلل شوى. خو نوموړى بيا دا ډول تورونه ردوى.

تېر زيږديز کال په پاکستان کې تر ٥٠ زيات ځانمرگي بريدونه شوي چې لږ ترلږه ٨٠٠ خلک پکې وژل شوي دي. خو د پاکستان حکومت په ټولو داډول پېښو کې د بيت الله محسود ډله تورنه بولي.