د اسلامي دولت له خوا پلان شوی پولي واحد
د عکس سرچینه، BBC World Service
''اسلامي دولت'' ډلې د تېرې پنجشنبې په ورځ د دغې ډلې اړوندې سکې (پولي واحد) رایستلو اعلان وکړ، چې وايي د عراق او سوریې په هغو سیمو کې به ګټه ترې اخیستل کېږي، چې دغه ډله پرې واکمنه ده.
پر انټرنېټ د جهادي ډلو خوا په خپرو شویو څرګندونو کې راغلي چې دغه سکې له ''(زرینو او سپینو زرو او ستسک مسو څخه جوړېږي.''
په څرګندونو کې دا هم راغلي چې سکه د اسلامي دولت د ''بیت المال دیوان'' ټاپه هم لري، چې د دغې ډلې له خوا د اعلان شوي خلیفه (ابو بکر البغدادي) له خوا یې د جوړېدو امر شوی دی.
اسلامي دولت واييو ددغې سکې له جوړولو یې هدف دا دی چې اوسنی (شیطاني) معمول نقدي نظام، چې پرمسلمانانو تپل شوی او د هغوی د غلام کېدو لامل ګرځېدلی، د مسلمانانو د خلاصون سبب وګرځي او له ''سود څخه د ډک نړیوال شیطاني اقتصادي نظام'' څخه خلا شي.
ددغې ډلې په یوه اړونده وېبپاڼه کې راغلي ''د اسلامي دولت شورا'' د البغدادي دغه لارښوونه تصویب کړې ده.
دغې ډلې پر انټرنېټ د جوړېدونکو سکو انځورونه هم خپاره کړي دي، چې وايي په ورځنیو راکړو ورکړو کې به د ډالر پرځای ګټه ترې اخیستل کېږي.
د عکس سرچینه، BBC World Service
د عکس سرچینه، BBC World Service
د عکس سرچینه، BBC World Service
د عکس سرچینه، BBC World Service
د عکس سرچینه، BBC World Service
