چین د ویتنام له اړدوړ وروسته خپل کارکوونکي وباسي
د عکس سرچینه، AFP
د چین دولت د ویتنام له خاورې د خپلو نژدې درو زرو وګړو د بهر کولو پرېکړه کړې ده.
په ویتنام کې د چین پرضد اعتراضونو په ډېرېدو سره، شینخوا خبري اژانس په بیجینګ کې اعلان وکړ چې د دې هیواد دولت د خپلو وګړو د رایستلو په موخه ویتنام ته بېړۍ او الوتکې استوي.
د تېرې شنبې په ورځ (مۍ ۱۷) د ویتنام دولت د چین پرضد د اعتراضونو د درولو غوښتنه وکړه.
دولتي چارواکو ویلي”نا قانونه کړنې” به د دې هېواد کرارۍ ته زیان رسوي.
په ویتنام کې د چین ضد احساساتو په ډېرېدو سره، په تېرو څو ورځو کې دوه چینایان وژل شوي شاوخوا ۹۰ تنه ټپیان شوي.
د تېرې پنجشبنې په ورځ د ویتنامي معترضینو په برید کې د ویټنام په مرکز کې
د چین او ویتنام ترمنځ د اړیکو په ترینګلي کېدو سره د دواړو هېوادونو د وګړو ترمنځ هم اړیکي خړ پړ شول.
د عکس سرچینه، REUTERS
په تېرو ورځو کې د چین ضد اعتراض کوونکو هغو ۱۵ کارځایونو ته اور ورته کړ، چې ویل کېدل چلوونکي یې چینایان دي.
د چین او ویتنام د اړیکو د ترینګلي کېدو اصلي لامل د چین له خوا د چین سمندر په سوېلي برخه کې د تېلو د پاک کارۍ د جوړوېدو پرسر راپورته شوه.
ویتنام د چین پر دې کړنو نیوکه وکړه.
د ویتنام اقتصاد تر دېره د بهرنیو شرکتونو پر پانګونې ولاړ دی.
چینايي چارواکو له خپلو وګړو غوښتنه کړې ده، چې ویتنام ته په سفر کولو کې له ډېر احتیاطه کار واخلي.
د چین سمندر په سوېل کې مالیزیا، فلپین، بروني او ټایوان د ځینو برخو د واکمنۍ ادعا لري.
