د لیبیا مرستیال وزیر "وژل شوی"
د لیبیا د صنعت وزیر پخپل پلرني ښار کې وژل شوی.
رپوټونه وايي، چې حسن الدروعي د پلازمېنې طرابلس ختیځ سرت ښار کې وسله والو وژلی دی.
پر همدې مهال، د لیبیا جنوب کې د قبایلو ترمنځ په نښتو کې لږترلږه ۱۵ کسان وژل شوي او ۲۰ نور ټپیان دي.
سیمه ییز رسنیو د امنیتي چارواکو له خولې ویليو چې الدروعي سرت ښار منځ کې وسط ښار کې وژل شوی، خو د برید کوونکو هویت نه دی په ډاګ شوی.
د تېرې شنبې ورځې په ورځ، سیمه ییزو چارواکو وویل، چې د هېواد په جنوب کې د قبایلي شخړو له کبله لږترلږه پنځلس کسان وژل شوي او شل نور ټپیان دي.
فرانس پرېس خبري اژانس د لیبیا د امنیتي چارواکو په حواله ویلي "حسن الدروعي د شپې مهال ناپېژاندو وسله والو وژلی دی".
سرک لیبیا کې د کورنۍ جګړې پرمهال د خونړیو نښتو شاهد و، چې په همدې ښار کې د لیبیا مخکنی دیکتاتور ولسمشر معمر القذافي هم نیول شوی و.
الدروعي د لنډمهالې ملي شورا مخکنی غړی هم و.
