تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د ملکې الېزابت مړی د لندن وېسټ مېنسټر هال ته ورسېد
د بریتانیا ملکې الېزابت دویمې مړی چارشنبې له غرمې وروسته د لندن له بکېنګهم ماڼۍ وېسټ مېنسټر هال ته ولېږدول شو.
د ملکې تابوت له رارسېدو سره سم یې دغه ځای کې د سلطني کورنۍ غړو په ګډون مذهبي مراسم پیل شول. وېسټ مېنسټر تالار کې به له مذهبي مراسمو وروسته د بریتانیا ملکې سره د خدای پامانۍ مراسم پیلېږي.
د دغو مراسمو په ترڅ کې لومړی د پارلمان غړي او له هغې وروسته عام خلک د ملکې مړي درناوي ته راځي.
د بریتانیا سلطنتي کورنۍ غړي هال ته د ملکې د تابوت له رارسېدو وروسته له دې ځایه تللي.
ټاکل شوې چې د ملکې مړی به دلته څلور ورځې ایښې وي او زرګونه کسان به یې دعا او درناوي ته ورځي.
وېسټ مېنسټر هال سره شاوخوا پنځه کیلومټره په اوږده کتار کې زرګونه کسان ولاړ دي او د ملکې د مړي درناوي ته ورځي.
د جنازې وروستي دولتي مراسم د سپتمبر پر ۱۹مه د سهار ۱۱ بجې پیلېږي چې ګډونوال به یې تابوت تر وېنزر ماڼۍ پلی بدرګه کړي.
ملکه دویمه الېزابت به وېنزر کې د پاچا شپږم جورج یادګاري کلیسا کې خاورو ته سپارل کېږي.
