تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د ملکې الېزابت تابوت لندن کې بکېنګهم ماڼۍ ته رسېدلی
د بریتانیا د ملکې دویمې الېزابت تابوت په ځايي وخت تېره شپه لندن کې بکېنګهام ماڼۍ ته ورسېد.
د ملکې لېزابت تابوت د هغې زوی پاچا دریم چارلس، لمسیانو یې ویلیام او هري او همدا راز د سلطنتي کورنۍ نورو غړو بدرګه کاوه او زرګونه کسان ورته د لارو په اوږدو کې درناوي او نندارې ته ولاړ وو.
د بکېنګهم ماڼۍ شاوخوا د خلکو ګڼه ګوڼه ډېره ده.
ټاکلې د ملکې الېزابت مړی به یوه شپه دې ماڼۍ کې ایښی او چارشنبه به په ځايي وخت تر غرمې وروسته په رسمي مراسمو کې د پارلمان وېسټ منسټر هال ته ولېږدول شي.
د نوموړې تابوت به تر هغې وروسته څلور ورځې دغه ځای کې ایښی وي چې خلک ورته د دعا او درناوي مراسم وړاندې کړي.
د بریتانیا ملکه دویمه الېزابت د سپتمبر پر ۸مه سکاټلنډ کې په سلطنتي استراحتګاه کې مړه شوه او تابوت یې پرون د خلکو د دعا او احترام لپاره د اېډنبرا سنت جایلز جامع کلیسا کې ایښی و.
ملکه الېزابت دویمه راتلونکې دوشنبه خاورو ته سپارل کېږي او پر دې ورځ به بریتانیا کې عمومی رخصت وي.
