تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د نیو یارک د اورګاډو تمځای کې ډزې؛ ګڼ کسان ژوبل شوي
د امریکا د نيو يارک ښار بروکلېن سیمې د اورګاډي تم ځای کې د ډزو له کبله لږ ترلږه ۱۶ کسان ټپيان شوي دي.
د ځايي رسنيو په وينا پېښه ځايي وخت سهار اته نیمې بجې رامنځته شوې ده. چارواکو له خلکو غوښتي چې د پېښې ځای ته ورنشي.
د نیویارک پوليس د بريدګر په اړه چې ويل کېږي د پېښې له ځايه تښتېدلی د معلوماتو غوښتنه کوي.
د پېښې له ځايه خپرو شويو عکسونو کې په وينو لړلي ټپيان د اورګاډي تم ځای کې پر ځمکه پراته ښکاري.
داسې رپوټونه هم ورکړل شوي چې ګواکې د اورګاډو همدې تمځای کې یو شمېر ناچاودلي بمونه هم موندل شوي.
د پوليسو يوه چارواکي وويل، امنیتي ځواکونه د يو کس چې د پېښې له ځايه تښتېدلی او د ګازو ماسک او د خونديتوب نارنجي واسکټ يې اغوستی په لټه کې دي.
د دغه کس هويت او د ډزو له پېښې سره د تړاو په اړه معلومات نشته.
د سپينې ماڼۍ يوه وياند په ټوېټر پاڼه ليکلي، د امريکا ولسمشر جوبايډن ته په نيويارک کې د دې پېښې په اړه معلومات ورکړل شوي دي.
