تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د کاناډا یوه ښوونځي کې د ۲۰۰ بومي ماشومانو ډله ییز قبر موندل شوی
د کاناډا لومړي وزیر جسټن تروډو په دغه هېواد کې د یوه پخواني لیلیه لرونکي ښوونځي په انګړ کې د ۲۱۵ ماشومانو د ډله ییز قبر پیدا کېدو په اړه خواشیني څرګنده کړې ده.
یاد ښوونځی کابو یوه پېړۍ وړاندې د بومي خلکو د جذبولو لپاره جوړ شوی و.
ښاغلي تروډو د یادو ماشومانو وژنه د کاناډا د تاریخ شرموونکی څپرکی ګڼلی دی.
دا قبر د کاناډا بریټېش کولمبیا سیمه کې موندل شوی.
د کملوپس برېتېش کولمبیا ښار د TteS قبیلې مشره روزان کازیمیر ویلي، کشف شوي قبرونه د ښوونځي د مدیرانو له خوا هېڅ ثبت شوي نه دي.
ددې قبیلې مشران د دغو قبرونو او ماشومانو په اړه د لانورو معلوماتو ترلاسه کولو لپاره له کارپوهانو او طبي ډلې سره همکاري کوي.
ځینې کشف شوي قبرونه د درې کلنو ماشومانو دي. تر اوسه ددغو کسانو د مړینې لامل او وخت نه دی په ډاګه شوی.
اغلې کازیمیر ویلي: "اوسمهال زموږ ډېرې پوښتنې بې ځوابه پاتې دي."
د کملوپس ښوونځی په ۱۸۹۰ کال د کاتولیکې کلیسا په مټ جوړ او په ۱۹۷۸ کال بند کړل شو.
دا ښوونځی ددې لپاره جوړ شوی و چې بومي (اصلي اوسېدونکي) ماشومان له خپلو ټولنو لیرې وساتي، پخپلو مورنیو ژبو ونه غږېږي او خپل کلتور ونه لمانځي.
په دا ډول بنسټونو کې د جسمي، عاطفي او جنسي ناوړه ګټې اخیستنې په اړه بېلابېل رپوټونه خپاره شوي.
موجوده اسناد ښيي چې ددې ښوونځي زدکوونکي منځ کې د شري، سل، انفلونزا او نورو ناروغیو خپرېدل ډېر اسانه وو، چې ځینې یې ترې مړه شوي هم دي.
