تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د اماراتو ابکو ۴۸ پوړیز ټاور کې اور لګېدلی
د متحده عربي اماراتو شارقه ښار په یوه ۴۸ پوړیزه اسمانڅکې ودانۍ کې اور لګېدلی چې ترې لاندې پر سړک ولاړو ګاډو یې ځینې پوړونه رالوېدلي دي.
د شارقه امارت مطبوعاتي دفتر په یوه خبرپانه کې ویلي، د دغه هېواد ملي دفاعي ډلې د النهده سیمې په ابکو برج (څلي) کې لګېدلی اور مړ کړ.
یوه سیمه ییز خبریال ویلي، اوروژلو کې لسګونو اور وژونکو مامورینو، ګاډو د اورضد الوتکو او بې پیلوټه الوتکو برخه لرله.
دی وايي، اوس د دغې ۴۸ پوړیزه ودانۍ د یخولو چارې روانې دي.
په پېښه کې اوه کسان ژوبل شوي او اوس روغتون کې درملل کېږي.
تر اوسه د اور لګېدو لامل نه دی مالوم شوی.
اور پر ځايي وخت بېګا نهه بجې لګېدلی و.
"خلیج ټایمز" ورځپانې ویلي، د اورلګېدو ودانۍ ته څېرمه له پنځو نورو دنګو ودانیو استوګن ایستل شوي وو.
