تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
سعودي کې لانجمنه فتوا: "ښځه له مېړه طلاق اخیستی شي"
په سعودي عربستان کې د لویو عالمانو شورا د غړي شیخ عبدالله المنیع هغې فتوا تاوده بحثونه راپورته کړي، چې وايي د کوزدې پرمهال ښځه دا شرط اېښودی شي چې خپل ځان وروسته له مېړه نه طلاق کړي.
المنیع د سعودي "عکاظ" ورځپاڼې ته ویلي، که ښځه پر خپل مېړه له هغه نه د طلاق اخیستو شرط کېږدي، جواز لري، ځکه چې په وینا یې "مسلمانان پر خپلو ژمنو او شرطونو ولاړ دي".
د المنیع له څرګندونو څو ورځې مخکې د بشري حقونو د جرګې یوې غړې ډاکټرې اقبال درندري ویلي وو: "د کوزدې او طلاق په تړاو باید د ښځې او سړي ترمنځ برابري وي او ښځې ته د کوزدې پرمهال دا حق ورکړل شي چې طلاق به اخیستی شي".
پر ټوېټر #د_ښځې_د_طلاق_اخیستو_جواز په نامه هشټګ په عربي نړۍ کې تر ټولو ډېر (څه باندې ۲۰ زره) کسانو لاس په لاس کړی دی.
په ټوېټر کې ځینو ښځې ته د طلاق اخیستو ملاتړ او ځینو نورو بیا مخالفت کړی دی.
د صالحه آل شویل په نامه ټوېټر کارنې د تایید په پار لیکلي، د طلاق اخیستو واک باید مېړه او ښځه دواړه ولري.
خو ابراهیم المنیف بیا وايي: "هغه کسان چې ګومان کوي ښځه د طلاق اخیستو حق لري، د طلاق کچه ورسره ډېرېږي".
دی وايي په وروستیو کلونو کې د طلاق کچه ډېره شوې ده. فیصل الشنیفي هم د ښځې په لاس د طلاق اخیستو له چارې سره مخالفت ښودلی: "محکمې ۷۰ سلنې ته د طلاق کچې له لوړېدو شکایت لري."
فقها څه وايي؟
ډېری فقها په دې نظر دي چې د کوزدې پرمهال د ښځې له خوا د طلاق د اخیستو شرط باطل دی او دا روا نه ده ځکه چې د کوزدې د تړون مخالف کار دی، خو مېړه کولی شي ښځې ته د طلاق واک ورکولی شي.
د جمهورو علماوو په اند، طلاق "د مېړه حق دی او خپله ښځه طلاقولی شي او د خپل ځان دا حق ښځې ته ورکولی شي چې له مېړه طلاق واخلي.
"د ازهر پوهنتون استاد ډاکټر بدوي السید وايي، ښځې ته د طلاق اخیستو معنا دا ده چې "د طلاق اخیستو حق وروسپارل" شي.
امام ابن باز بیا په دې اند دی چې ښځې ته د طلاق اخیستو واک ورکول سم نه دي، خو چې مېړه دا حق خپلې ښځې ته ورکړي، ځینې وخت بیا پروا نه کوي.
