تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د هالنډ برید؛ مشکوک بریدګر نیول شوی
د هالنډ پولیس وايي د ډزو له امله د اوترخت په ښار کې یو کس وژل شوی او ګڼ نور ټپیان دي. مشکوک بریدګر چې ترکی دی نیول شوی.
پولیسو ویلي، مشکوک کس ۳۷ کاله عمر لري او په هغې ودانۍ کې نیول شوی چې د لټون عملیات یې پکې روان وو.
وړاندې پولیسو ویلي وو، د ګوکمېن تانیس په نامه د یوه ۳۷ کلن مشکوک کس په لټه کې دي چې ترکیه کې زیږېدلی دی.
د مشکوک کس یو عکس د اوترخت ښار د پولیسو پر ټویټر هم خپور شوی دی.
بریدګر د پېښې له ځایه تښتېدلی و.
د ښوونځیو بندول
د هالنډ پولیس وایي د ډزو له امله د اوترخت په ښار کې درې کسان وژل شوی او ګڼ شمېر نور ټپیان شوي دي.
د پولیسو یوه ویاند ویلي چې ګوکمېن تانیس له ډزو وروسته له سیمې په یوه موټر کې تښتېدلی. پولیسو سیمه کلابنده کړې.
چارواکو ښوونځیو ته امر کړی چې دروازې بندې وساتي، ځکه ګومان کېږي چې بریدکوونکی اوس هم ازاد ګرځي.
دغه برید د اکتوبر پلېن ۲۴ په نامه د ښار منځ ریل په یوه تمځای کې شوی، خو پوره څرنګوالی یې تر اوسه نه دی معلوم.
یوه کس د سترګو لیدلی حال ووایه، چې یوه کس ناڅاپي هرې خوا ته ډزې پیل کړې.
د هالنډ لومړي وزیر مارک روتې ویلي حکومت یې بېړنۍ ناسته کړې.
پولیسو د هوایي ډګرونو شاوخوا امنیت زیات کړی.
د اوترخت د طبي پوهنتون د بیړنۍ مرستې برخه د ټپیانو د درملنې لپاره پرانیستل شوې.
د اوترخت ښار د ټرانسپورټ چارواکو سیمه د خلکو پر مخ تړلې.
