'۴۵٪ افغانان د خوړو له کمښت سره مخامخ دي'

واشنګټن پوست وايي، د افغانستان له لوېديځه کليوال نه يوازې د جگړې بلکې د وچکالۍ له امله هم خپلې مېنې پرېږدي.

ورځپاڼې د چارواکو په وينا ليکلي چې سږکال نژدې ٤٥ سلنه افغانان د وچکالۍ او ځينو نورو لاملونو له امله د خوړو له کمښت سره مخ دي، چې تېر کال دا شمېر ٣٣ سلنه و.

ورځپاڼه وايي له تېر جولاى راهيسې نيم ميليون وگړو ته د بېړنيو مرستو له پروگرامه خواړه ورکول کېږي او د ژمي له نژدې کېدو سره چارواکي پلان لري چې نژدې يونيم ميليون وگړو ته مرستې ورسوي.

د ورځپاڼې په وينا، تر ټولو ډېره اغېرمنه شوې سيمه شمال لوېديځ ولايتونه دي چې درې سوه زره وگړو سره تېره مياشت د خواړو نوره اضافي مرسته وشوه. بادغيس کې حالات ډېر جدي دي.

گارډين ورځپاڼې د ملگرو ملتونو عمومي اسامبلې کې د ولسمشر ټرمپ څرگندونو ته په اشاره وايي د ولسمشر ټرمپ د نوې وينا توپير له پخوانيو هغو سره سره د ملگرو او غليمانو يو نوملړ و او د پام وړ خبره دا وه چې د شمالي کوريا زورواکى ولسمشر يې د ملگرو په ډله کې و.

ورځپاڼه وايي ولسمشر ټرمپ وويل نور هرې خواته راکټونه نه الوځي او اټومي اژموينې ودرېدلي.

ورځپاڼه وايي ښاغلي ټرمپ نژدې يو کال وړاندې د شمالي کوريا د بشپړې ويجاړې گواښ کړى و خو اوس يې د کېم جونگ اون د زړورتيا او پورته کړو گامونو له امله له هغه مننه وکړه.

ټرمپ: ایراني مشران د وژنو او ورانکاریو تخم کري

ورځپاڼه وايي ولسمشر ټرمپ وويل نور هرې خواته راکټونه نه الوځي او اټومي اژموينې ودرېدلي.

ورځپاڼه زياتوي خو د اټومي کارپوهان په دې قانع نه دي او وايي ولسمشر کېم د خپلو اټومي وسلو له منځه وړلو ته د چمتو والي هېڅ راز نښې نښانې نه دي څرگند کړي.