تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د روسیې پر هوايي ډګر د طلا باران
د روسیې د سایبریا له هوايي ډګره د الوت پر مهال د الوتکې په باډۍ کې د درز راتلو له امله د سرو او سپین زرو څو ټنه خښتې پر ځغاستلیکه لوېدلې دي.
دغې پېښې د سایبریا هوايي ډګر ډېر کارکوونکي هک پک کړل، خو وروسته د هوايي ډګر مامورانو وویل، پر ځغاستلیکه د زرو لوېدلې ټولې خښتې یې ټولې او خوندي کړې دي.
د راپورونو له مخې، د هوايي ډګر پر ځغاستلیکه د زرو ۲۰۰ خښتې لوېدلې دي چې د ځینو خښتو وزن یې تر ۲۰ کیلو ګرامو رسېږي.
د دغو زرو کاناډايي خاوند د روسیې انټرفاکس خبري اژانس ته ویلي، د طلايي خښتو د بېرته راټولولو عملیات په بریاليتوب تر سره شوي دي.
د سایبریا پولیسو ویلي، په دې اړه پلټنې کوي چې د زرو دغه خښتې څنګه له الوتکې لوېدلې دي.
