تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
ایسلنډ کې د هلکانو سنتولو بندیز، مسلمانان او یهودان یې مخالفت کوي
په ایسلنډ کې د مسلمانانو د ټولنې مشر د هلکانو او سړیو د سنتیدو بندیز د مذهب پر خپلواکۍ یرغل بولي او په کلکو ټکو یې غندنه کوي.
د اسلامي فرهنګ د مرکز مشر احمد صدیق بي بي سي ته وویل: "د ماشومانو سنتول (ختنه کول) زموږ د عقیدې برخه ده، دا زموږ پر دین پورې تړلې خبره ده، باوري یم چې دا قانون به د دینونو له ازادۍ سرغړونه وي."
د ایسلنډ د یهودیانو ټولنې هم پر سنتېدو د بندیز له طرحې سره مخالفت کړی.
د سړیو پر سنتدېدو د بندیز پر طرحې باید د ایسلنډ په پارلمان کې رایه اچونه وشي.
په دغې طرحه کې راغلي هغه کس چې خپل زامن د مذهبي یا کلتوري دلیلونو له امله سنت وي په ښپږو کلونو بند به محکوم شي.
د دغې طرحې پلې کوونکي ادعا لري چې، هلکان د روغتیايي اسانتیاوو پرته سنتېږي.
د دغه قانون نه منونکي د هلکانو د سنتولو عمل د کم عمره هلکانو په وړاندې جنسي ځورونه بللې.
ایسلنډ ۳۳۶ زره وګړي لري، ویل کیږي شاخوا ۲۵۰ زره یې یهوديان او ۱۵۰۰ یې مسلمانان دي.
اټکل کیږي په نړۍ کې به د دریو سړیو له ډلې یو د دیني یا کلتوري دلیلونو له امله سنت شوی وي.په ایسلنډ کې مسلمانان د هلکانو په سنت د هلکانو د سنتولو له بندیز سره مخالفت کوي
