تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
تهران کې په لمبه يي موادو سره پر جومات برید وشو
د ایران د حکومت اړوند رسنیو داسې ویډیو خپره کړې چې د دغه هېواد د پلازمېنې تهران په ختیځ کې پر جواد الایمه جومات د لمبه یيي( اور اچوونکو) موادو برید ښيي.
دغه رسنۍ د ویډیو په خپرولو سره لیکي: "د ري سټارټ په نوم له شیطان پرستې ډلې اغېزمنو څو ځوانانو د جومات ننوتلار( دخولي لار) ته په دغو موادو سره اور واچاوه".
له دې مخکې د هغې ډلې ځینې غړو چې ځانونه ري سټارټ بولي دا ویډیو خپره کړې.
په ویډیو کې داسې ځوان لیدل کېږي چې د جومات مخ ته د ري سټارټ عبارت له لیکلو وروسته دروازې ته اور اچوي.
دا ډله له هغو کسانو جوړه شوې چې د ایران د حکومتي رسنۍ صدا و سیما د پخواني ویاند محمد حسیني له اینټرنیټي بلنې وروسته د بانکونو په ګډون پر عمومي ودانیو بریدونه کوي.
دې کسانو تراوسه په خواله رسنیو کې د خپلو هڅو یو شمېر ویډیوګانې خپرې کړې دي.
د صدا و سیما اړوند د ځوان خبریالانو کلب د لوی تهران د امنیه قومندان حسین رحیمي له قوله لیکلي:
"د جواد الایمه جومات ته اور اچول لکه څو ورځې مخکې پر بانکونو برید ته ورته و او له خواله رسنیو اغېزمنو څو ځوانانو دا کار کړی دی".
محمد حسیني د بلنې موخه د ایران له حکومت سره مقابله بللې ده.
هغه تر ۱۳۸۴ کال د ایران د دولتي رسنۍ خورا نامي ویاند و او وروسته له هېواد ووېستل شو.
