تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د ټرمپ فرمان که د میلیونونه امریکایي ښځو د مینداورۍ وړیا مخنیوی
د امریکا د ولسمشر ډونلډ ټرمپ په مشرۍ ادارې یولړ نوي اجرات اعلان کړي، چې له مخې یې ښايي میلیونونه امریکایانې د میندوارۍ د مخنیوي له وړیا اسانتیاوو بې برخې شي.
د روغتیا وزارت ویلي، کار ورکوونکي او د بیمې شرکتونه ښايي اوس د دیني او اخلاقي لاملونو له کبله ځانونه د میندوارۍ د مخنیوي د ګولیو له ورکړې معاف وګڼي.
دغه شرکتونه د امریکا د مخکیني ولسمشر بارک اوباما د واکمنۍ پرمهال د یوه تصویب شوي قانون له مخې ددې کار ترسره کولو ته ژمن وو.
ټرمپ د ولسمشرۍ ټاکنیزو منډو ترړو پرمهال اعلان کړی و که ولسمشر شو، یاد قانون به تصویبوي.
د ښځو د حقونو ټولنو له دغه فرمان سره مخالفت ښودلی، خو ځینو نورو دیني او محافظه کارو ټولنو او ډلو یې هرکلی کړی دی.
ځینو خبرداری ورکړی چې دا ګام د څه باندې ۶۲ میلیون ښځو په زیان تمامېږي.
مشرانو جرګه کې د دیموکراټ ګوند مشرې نانسي پلوسي ویلي، د ښځې د سپکاوي لپاره د ټرمپ د ادارې دا ګام د ښځو د سپکاوي یوه بله هڅه ده.
خو په کانګرس کې ځینو جمهوریپالو مسیحیانو ددغه فرمان هرکلی کړی.
له قضايي اړخه، د امریکا د مدني ازادیو ټولنې ددغه فرمان پرضد غږ پورته کړی.
