د عکسونو البوم: د لندن په یوه استوګنځي کې اورلګېدنه

د لندن په لوېدیځه سیمه کې د استوګنې یوې ودانۍ کې اور لګېدلی چې یو شمېر کسان یې ټپیان کړي دي. داسې وېره هم شته چې ځینې کسان دې په ودانۍ کې اېسار پاتې وي. سیمې ته د ژغورنې ډله رسېدلې. دغې ۲۷ پوړېزې ودانۍ کې اور نن سهار لګېدلی دی. اور د لندن پر وخت یوه بجه ۱۶ ولګېد او د وژلو لپاره یې ۲۰۰ اور وژونکي بوخت دي. د لندن روغتیا چارواکي وايي، چې ۳۰ کسان یې روغتون ته د درملنې لپاره وړي دي.