تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
پر ساینس د "سیاستوالو د برید" ضد پراخ لاریونونه
د نړۍ په لروبر کې زرګونو پوهانو پر ساینسي حقیقتونو او ثبوتونو د سیاستوالو د برید پروړاندې لاریونونه کړي دي.
د "ساینس لپاره لاریون" په نوم دغه لاریونونه د خپل ډول لومړني لاریونونه دي چې د چاپېریال ساتنې په تړاو د خوځښتونو د ډېرولو په ملاتړ رامنځ ته شوي.
دا لاریونونه د ځمکې د ورځې له رارسېدو سره سم شوي.
تر ټولو لوی لاریون د امریکا واشنګټن کې شوی.
لاریونیان وايي، دا لاریون د ولسمشر ټرمپ پرضد نه دی، بلکې د هغه اداره د چاپېریال ساتنې ته هڅول یې هدف دي.
د واشنګټن لاریون کې د کالیفورنیا د ساینس اکاډیمۍ اجراییوي مشر جانتن فولي وايي، اوس بحث تر هغو تورونو رسېدلی، چې تر عقل پورته خبره ګڼل کېږي او د ده په وینا د سیاستوالو له خوا برید د "ځپلو تر کچې رسېدلی".
دی وايي: "د دوی د برید هدف ساینس دی، چې زموږ د روغتیا او د چاپېریال ساتنې ملاتړ کوي او زموږ تر ټولو د کمزوري قشر ملاتړ کوي".
دی وايي "ډېر به ځورېږي، او نور به مري".
وړاندې، په اتریش کې هم ورته لاریون شوی او د لاریون سمبالوونکو پر خواله رسنیو لیکلي، د لاریون هدف له هغه خوځښت سره د خلکو یوځای کېدل دي، چې واک ته د ټرمپ له رسېدا وروسته پیل شوی دی.
مخکې د امریکا ولسمشر ډونلډ ټرمپ د اقلیم بدلون یوه "تېر ایستونکې" چاره بللې وه چې د ساینسپوهانو منځ کې یې لویه وېره رامنځ ته کړه.
د لندن لاریون کې پوهانو او د پارلمان تر میدان پورې ولاړل.
