تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د الوتنې پر مهال د الوتکې پیلوټ مړ شوی
امریکن ایرلاین نومي هوايي شرکت تایید کړې، چې د الوت پر مهال د دغه شرکت د یوې الوتکې پیلوټ مړ شوی دی.
دغه الوتکه له دالاس نه د نیو مکسیکو البوکرکي نومې سیمې ته تله.
د البوکرکي هوایي ډګر چارواکو ویلي، بوینګ 737-800 ډوله الوتکه له خپل منزله دوه میله لرې وه، چې د کپتان له لوري د طبي بېړنیز حالت خبرداری ورکړل شو.
الوتکه په عادي توګه پر ځمکه کېناسته او ویل کېږي سپرلیو ته کوم زیان نه دی اوښتی.
د هوايي شرکت په خبره د الوتکې مړ شوی پیلوټ ویلیم مایک ګربس نومیږي.
امریکايي رسنیو د هوايي شرکت چارواکو له قوله ویلي، چې د پیلوټ له کورنۍ سره مرسته کېږي او په دغو سختو ګړیو کې د شرکت مسوولینو خواخوږي او نیکې هیلې د پیلوټ له کورنۍ سره دي.
له دې مخکې ۲۰۱۵ کال کې د امریکن ایرلاین یو بل پیلوټ د الوت پر مهال مړ شوی و.
هغه الوتکه له فیونکس نه بوسټن ته تله او ملګري پیلوټ الوتکه نژدې هوايي ډګر ته ګرځولې وه.
