د بوتان د کوچني شهزاده د کلیزې هرکلی

د بوتان د شاهي کورنۍ پلویان د کوچني شهزاده د یو کلنۍ د انځورونو هرکلی کوي، چې ځانګړې کلیزه هم ترې جوړه شوې ده.

شهزاده جیګمي نامګیال وانګ چوک په دې انځور کې له خپلې ګوډۍ سره لوبې کوي. زېړې شاهي دودیزې جامې یې اغوستې دي. نوموړی د فرورۍ پر پنځمه یو کلن کېږي.

یو کال وړاندې د دغه ماشوم د زوګړې په مناسبت په بوتان کې یو لک ونې وکرل شوې. بوتان د همالیا په لوړو کې د چین، هند او د نېپال ترمنځ پروت دی.

دا انځورونه کلیزه لري او د بوتان پاچایۍ عامه اړیکو په خپله وېبپاڼه کې لیکلي، "دا ځانګړي انځورونه" وړیا ډانلوډولی شئ.

جیګمي خسار نامګیال وانګ چوک د نړۍ یو خورا تر ټولو ځوان پاچا دی. دا یې په لینکانا ماڼۍ کې انځور دی. چې دا کورنۍ پکې اوسي.

په بوتان کې له ۱۹۹۹ کال راهیسې نېټ خلکو ته رسېدلی، خو شاهي کورنۍ په تېره د دې هېواد ملکې جتسون پما پرلپسې د خپلې کورنۍ د انځورونو په خپرولو له خلکو سره د دې کورنۍ اړیکي پیاوړي کړي دي.