تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
فرانسه کې یو بریدګر د فرانسوي سرتېري په ډزو له پښو غورځول شوی
پولیس وایي، د پاریس ښار لووغ سیمې ته څېرمه یوه فرانسوي سرتېري چې د لووغ موزیم ساتنه یې کوله، هغه مهال پر یوه بریدګر ډزې وکړې چې لویه چاړه یې لاس کې وه، د "الله اکبر " نارې یې وهلې او هڅه یې وکړه پر امنیتي ګزمې برید وکړي.
بریدګر چې هڅه کوله د لووغ سوداګریز مرکز ته ننوځي، خېټې ته په مرمۍ لګېدلی او ټپ یې جدي دی.
رپوټونه وايي یوازې یو فرانسوی سرتېری پر سر ټپي شوی.
د فرانسې د کورنیو چارو وزارت وضعیت "جدي " ګڼلی دی. د پېښې پر مهال سیلانیانو ته وویل شول چې پر ځمکه پروت وکړي. لومړي وزیر برنارد سازینوو وویل، برید اصلاً "ترهګریزه " و.
پولیس وایي چې بریدګر دوه د اوږې بیکونه لېږدول خو چاودونکي مواد پکې نه دې موندل شوي.
د برید پر مهال لووغ موزیم کې نژدې ۲۵۰ سیلانیان ول چې یو یو له امنیتي پلټنو وروسته اېستل شوي.
پولیس وايي پر بریدګر پنځه ډزې شوي.
