تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د ايران پخوانی ولسمشر هاشمي رفسنجاني ومړ
د ايران پخوانی ولسمشر او د دغه هېواد مشهور سياسي شخصيت علي اکبر هاشمي رفسنجاني د ۸۲ کلونو په عمر ومړ.
د ايران د حکومتي خبري رسنۍ له مخې، علي اکبر رفسنجاني د زړه پر ناروغۍ اخته و چې د يکشنبې په ورځ روغتون ته وړل شوی و چې هلته يې ساه ور کړه.
نوموړی له ۱۹۸۹ تر ۱۹۹۷ پورې د ايران ولسمشر و، خو په ۲۰۰۵ کال کې يې احمدي نژدا ته ټاکنې بايللې وې.
ښاغلی رفسنجاني له خپل مرګ مخکې د ايران نظام د ګټو ټاکلو ټولنې (مجمع تشخيص نظام ايرن) مشر و.
رفسنجاني د ايران انقلاب له مخکښانو يو داسې مشر و چې په مسلسله توګه اته کاله د عراق له خوا پيل شوې جګړې له پای ته رسېدلو وروسته يې د هېواد د بيا جوړولو لپاره پروګرام پيل کړی و.
په ۲۰۱۳ کال کې نوموړي ته د ۱۲ غړو لرونکې قانوني ادارې (شورای نګهبان) په ولسمشريزو ټاکنو کې د برخي اخيستو اجازه نه وه ورکړې.
ښاغلي رفسنجاني د ۲۰۰۹ کال په ټاکنو کې د اصلاح غوښتونکو ملاتړ کړی و خو په دغو ټاکنو کې احمدي نژاد د دوهم ځل لپاره ولسمشر وټاکل شو.
پخوانی ولسمشر رفسنجاني د ايران له هغو مشرانو څخه و چې د سياسي بنديانو د ازادۍ او د قانون تر دايرې لاندې سياسي ګوندونو ته د نورې ازادۍ غوښتنه يې کوله.
