تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د ولسمشرۍ نوماند ټاکلو لپاره د فرانسي جمهوریپالانو لومړنۍ ټاکنې
داسې مهال چې فرانسه کې ولسمشریزو ټاکنو ته یوازې پنځه میاشتې پاتې دي، په دغه هېواد کې د دولت ترټولو مهم مخالف د منځلارې ښې اړخي "جمهوریپالانو" ګوند پلویان د لومړنیو ټاکنو پر لړ کې خپل نوماند د راتلونکی کال ولسمشریزو ټاکنو ته چمتو کوي.
په دغو ټاکنو کې ۷ نوماندان د جمهوریپالانو ګوند د کاندیداتورۍ لپاره سره سیالي کوي.
پخوانی ولسمشر نیکولای سارکوزي، پخواني لومړي وزیران آلن ژوپه او فرانسوا فیون هغه کاندیدان دي چې د اوو کسانو په منځ کې یې د نوماندۍ چانس ډېر دی.
ولسمشریزو ټاکنو ته د جمهوریپال ګوند نوماند په دوو پړاوونو کې ټاکل کېږي.
د نن ورځې (یکشنبه نومبر ۲۰مه) ټاکنو لومړی او دویم مخکښ کسان د ټاکنو په دویم پړاو کې چې یوه اونۍ وروسته ترسره کېږي یو له بل سره سیالي کوي.
وروستی ګټونکی چې د جمهوریپالانو نوماند کېږي احتمال لري چې د ولسمشریزو ټاکنو په سیالیو کې د فرانسي ښې اړخې ملي جبهي ګوند له مارین لوپن سره مبارزه وکړي.
د حاکم سوسیالست ګوند لږ محبوبیت ته په پام سره، ظاهرا د ولسمشریزو ټاکنو په لومړي پړاو کې د چپ اړخو ګوندونو د کاندیداتو پاتې کېدل ناشونې ښکاري او نظرپوښتنې ښيي چې د جمهوریپالانو نوماند په راتلونکو ولسمشریزو ټاکنو کې د بریالیتوب ډېر چانس لري.
