د افغانستان فوټبال ښځینه لوبډلې د بریتانیا د پارلمان ښځینه لوبډله ماته کړه
د عکس سرچینه، @TRACEY_CROUCH
د افغانستان د ښځو فوټبال د ملي لوبډلې غړو د بریتانیا د پارلمان ښځینه لوبډلې ته ماته ورکړې.
د افغانستان د ښځو فوټبال د ملي لوبډلې غړې تېر کال تر هغې وروسته له افغانستان ووتې او بریتانیا ته ولاړې، چې طالبانو کابل ونیو.
دا لوبه د بښنې نړیوال سازمان د "فوټبال مو هرکلی کوي" نوښت اډانه کې ترسره شوې چې اوس یې پنځم کال دی.
دوی څلور لوبې کړي چې ټولې افغان لوبډلې ګټلي.
د افغانستان د فوټبال ښځینه لوبغاړو پر وړاندې دغو لوبو د بریتانیا پارلمان د ښځینه لوبډلې مشري د دغه هېواد د سپورت پخوانۍ وزیرې ټراسي کروچ کوله.
د افغان لوبډلې مشره خالده پوپل وايي: "لوبډله له خپل ټاټوبي لرې ده، خو د خوښۍ دې فضا ته یې اړتیا درلوده. دوی د خوندیتابه لپاره له کړاو ډک سفر وروسته لا هم له ځینو خنډونو سره مخ دي."
هغې زیاته کړې چې فوټبال د خلکو د نږدې کېدو ځواکمنه لار ده.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
په ورته وخت دې لوبه کې د بریتانیا پارلمان د ښځینه لوبډلې مشرې ويلي: "موږ پوهېدو چې له مسلکي خلکو پر وړاندې لوبه کوو، او دې سیالۍ ته مو چمتووالی نیولی و. د افغان لوبډلې سره مو میدان کې وپېژندل او دوی د پام وړ لوبغاړي دي."
اغلې کروچ زیاته کړې: "خورا د خوښۍ ځای دی چې دوی (افغان لوبغاړې) بریتانیا کې مېشتې دي، او تمه لرو چې د یوې لوبډلې په توګه به لا نوره وده وکړي."
هغې په خپله ټویټرپاڼه لیکلي: "لوبه مو بایلوه، خو څه پروا کوي، لږترلږه د لوبېدو اجازه خو مو درلوده."
