تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د افغانستان کرېکټ بورډ کرېکټ ته ځانګړی تلوېزیون جوړوي
د افغانستان کرېکټ بورډ وايي، په پام کې ده چې د 'افغانستان کرېکټ بورډ تلوېزیون' یا ACB TV په نامه د کرېکټ مینه والو ته ځانګړی تلوېزیون جوړ کړي چې لومړنۍ چارې یې د بشپړېدو په حال کې دي.
د کرېکټ بورډ مشر فرهان یوسفزي پر ټوېټر لیکلي، "زما د ژمنې سره سم زموږ د کرېکټ مینه وال به ژر د ACB_TV# څخه د کرېکټ مېچونه وګوري!".
کرېکټ بورډ وايي، د کرېکټ لپاره یې د ځانګړي تلوېزیون جوړولو هوډ وروسته تر هغه وکړ چې په هېواد کې د کرېکټ لوبې مینه وال په ډېرېدو دي.
د افغانستان کرېکټ نړیوالې او کورنۍ لوبې افغانان تر ډېره د بهرنیو او یا کورنیو تلوېزیونو له لارې په ژوندۍ بڼه ګوري.
کرېکټ بورډ وايي، د کرېکټ ځانګړي تلوېزیون لومړنۍ چارې په بشپړېدو دي او نور اړوند کارونه یې هم روان دي.
دوه میاشتې وړاندې د کرېکټ نړیوال جام لوبې د ملي تلویزیون له لارې وښودل شوې او په افغانستان کې د ننه او بهر ګڼ شمېر مینه والو ولیدې.
