تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
افغان کرېکټ بورډ پر میلیون لیګ لګېدلی بندیز لرې کړ
- Author, خوشحال تایب
- دنده, بي بي سي
د افغانستان د کرېکټ بورډ ادارې پر میلیون جام سیالیو د لګېدلي يو کلن بندیز د لېرې کولو اعلان وکړ.
د کرېکټ بورډ سلاکار دوست محمد نظري په کابل کې یوې خبري غونډې ته وویل، دا مهال خصوصي سکتور د کرېکټ د ودې او پرمختګ لپاره خپل ځانګړی ارزښت لري.
د نوموړي په خبره دوی په دې برخه کې د میلیون خصوصي لیګ ته يو ځل بیا د سیالیو د ترسره کولو اجازه ورکوي. هغه وايي:
'' د افغانستان کرېکټ بورډ له هدفونو یو دا دی، چې له مختلفو لارو وکولای شو، کرېکټ ته وده ورکړو، د دې تر څنګ د افغان لوبغاړو لپاره مالي ملاتړ خورا مهمه موضوع ده، چې دې سره لوبغاړو ته له کرېکټ نه د یوه څه مالي ملاتړ تر لاسه کولو لپاره زمېنه برابریږي. ''
د میلیون جام کرېکټ خصوصي لیګ سیالۍ په ۲۰۱۳ کال کې پیل شوې وې او درې پړاوه سیالۍ یې هم تر سره کړې. د مسوولینو په وینا ټاکل شوې د دغو سیالیو څلورم پړاو به راتلونکي پسرلي کې تر سره شي.
