تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
لیونل مېسي له افغان ماشوم سره ولیدل
هغه افغان ماشوم چې له پلاستیکي کڅوړې یې ځانته د وتلي لوبغاړي لیونل مېسي کمیس جوړ کړی و او پر انټرنیټ یې عکسونه لاس په لاس شول نن له خپل اتل مېسي سره ولیدل.
د ۶ کلن مرتضی احمدي عکسونه په جنورۍ کې خپاره شول چې وروسته مېسي د بارسلوانا کلب یوه جوړه جامې لاسلیک کړې او دغه ماشوم ته یې واستولې.
د قطر ۲۰۲۰ کال نړیوالو اتلولیو کمیټه وايي میسي او مرتضی په دوحا کې سره ولیدل.
د برسلونا لوبډلې په قطر کې د الاحلی سره د سې شنبې پر ورځ دوستانه لوبه وکړه چې مېسي مرتضی لاس په لاس لوبغالي ته بوتلو.
د سې شنبې پر ورځ د فوټبال سترې کمیټې په خپل ټویټر ولیکل: هغه انځور چې نړۍ یې لیدل غوښتل. ۶ کلن هلک چې د خپل اتل مېسي د لیدلو خوب یې درلود، پوره شو.
د غزني ولایت اوسېدونکی مرتضی احمدي په مئ میاشت کې افغانستان پرېښود او پاکستان ته کډه شو.
بي بي سي مرتضی د خپل کاکا اعظیم احمدي په مرسته، چې په استرالیا کې اوسېږي، پیدا کړ او د دې له پلار عارف سره یې خبرې وکړې.
