تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
ځمکې ته نژدې کوچنۍ سیاره تېره شوه
ناسا وايي، یوه نوې کابو ۴۰ متره سیاره، چې له پنځو ورځو راهیسې کشف شوې ده، د ګرینویچ پر وخت ۲۲:۲۹ بجې پرته له دې چې خطر رامنځ ته کړي، یوه ګړۍ کې ځمکې ته ۶۴ زره کیلومتره نژدې تېره شوې ده.
د ناسا اړوند ځمکې ته د نژدې اجسامو د څېړنې مرکز مشر پاول چوډاس ویلي، ددغې کوچنۍ سیارې د ټکر کوم خطر نه دی احساس شوی. دغې سیارې ته ۲۰۱۸ سي بي نوم ورکړل شوی.
دی زیاتوي: "که څه هم ۲۰۱۸ سي بي ډېره کوچنۍ وه، خو به ۲۰۱۳ کال د روسیې د چیلیابنسک فضا پرسر له تېرې شوې سیارې ډېره لویه وه."
دی وايي: "په دې اندازه سیارې معمولاً زموږ سیارې ته ډېرې نه نژدې کېږي، ښايي یو یا دوه ځلې په کال کې ترې تېرې شي".
په لومړي ځل دغه سیاره د امریکا اریزونا ایالت توسان ښار کې د "کاتالینا سکای سروې" پروګرام له خوا کشف شو. دغه پروګرام د ناسا له خوا چلول کېږي چې هدف یې ځمکې ته د احتمالي خطر لرونکو سیارو ثبتول دي.
۲۰۱۸ سي بي ځمکې ته ۶۹ زره او ۷۰۰ کیلومتره نژدې شوې وه.
په روانه اونۍ کې یوه بله کوچنۍ سیاره ـ چې ۲۰۱۸ سي سي یې بلله، د لمر مسافه کې ۱۸۴ زره کیلومتره واټن کې تېره شوې وه.
د دغې سیارې اندازه له ۱۵ تر ۳۰ مترو پورې اټکل شوې وه.
