تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د معدې باکتریا د سرطان مخنیوي کې همکاري کولی شي
د امریکا ټکساس پوهنتون کې یوې څېړنې موندلې، چې د هاضمې سیستم د ننه باکتریا د سرطان ضد پیچکاریو د فعالیت کچه لوړولی او بالاخره د سرطان مخه نیولی شي.
هغه پیچکارۍ چې د بدن د معافیت سیستم تقویه کوي او د انسان بدن له پړسوبه راګرځوي، ځینې وخت یې د سرطان مخه هم نیولای شي.
خو د امریکا ټکساس پوهنتون نوې څېړنې موندلې چې دغه پیچکارۍ د هاضمې د سیستم له باکتریا سره لا ډېر فعالیت کولی شي او ګټه یې ډېرېږي.
د بریتانیا د سرطاني څېړنو ټولنې هم ویلي، ددغې باکتریا پېژندل د طب په برخه کې ډېرې اسانتیاوې رامنځ ته کولای شي.
د انسان په بدن کې میلیاردونه ژوندي موجودات شته.
نوې څېړنې ښيي چې د معدې باکتریاوې د بدن د معافیت پر سیستم اغېز کوي، چې پخپلکاري او مستقیم ډول د ځینو ناروغیو او حساسیتونو د مخنیوي لامل ګرځي.
د پوستکي د سرطان متخصصې جراحې جنیفر وارګو بي بي سي ته وویل، د باکتریاوو ترمنځ زښت ډېره توپیر موجود دی.
د بریتانیا د سرطاني ناروغیو د څېړنیز مرکز اجرایوي مشر هارپل کمار وايي: "زموږ جسمونه له ترلیونونو باکتریاوو ډک دي، اوس موږ یوازې ډېره کمه اندازه ګټورې باکتریاوې کشف کړې، چې زموږ پر روغتیا مستقیماً ښه اغېز کوي."
