تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
پېښور کې د افغان کډوالو کرېکټ سیالۍ
- Author, رحمان الله بي بي سي
- دنده, پېښور
لومړی ځل د افغان کرېکټ لیګ په نامه د پښتونخوا په بېلا بېلو سیمو کې د مېشتو افغان کډوالو تر منځ کرېکټ سیالۍ پیل شوې دي.
دغو سیالیو کې لس لوبډلې برخه اخلي، چې ټول لوبغاړي یې افغان کډوال دي. د دغو سیالیو ډېرو ګډونوالو عمرونه تر ۱۹ کلنۍ کم دي.
د کډوالو کرېکت لیګ لومړۍ سیالۍ د پېښور په مشهور ارباب نیاز لوبغالي کې او وروستۍ لوبې یې له زندۍ کمپ سره نژدې لوبو ډګر کې کېږي.
د پېښور، چارسدې او هریپور لوبډلو تر اوسه پورې نیمه پایلوبې ته لار موندلې ده.
د دغو لوبډلو روزونکي د سیالیو ګډونوالو راتلونکي ته هیله من دي. یوه روزونکي محمد نصیب موسی خېل بي بي سي ته وویل:
''هیله من یوو چې دغه لوبغاړي به هم د نورو مخکښو لوبغاړو په څېر دلته له ځلېدو وروسته هېواد ته ځي او هلته به د هېواد لپاره ویاړونه راوړي. ''
د کډوالو دغو سیالیو پایلوبه به د راتلونکې دوشنبې پر ورځ کېږي.
