په دې وروستيواوونيو کې د پاکستان شمال لوېديځ ايالت امنيتي وضعيت مخ په خرابېدو دى .

سوات د وسله والو اورپکو او پاکستاني پوځ ترمنځ له جگړې مخکې د سيلانيانو ځاى و .

پاکستاني چارواکو د اگست پر ٢٣ ويلي وو، چې په سوات دره کې يې وسله والو ته څو (کمين) نيولى، چې په پايله کې ٣٥ وسله او تر هغه وروسته په نښته کې څلور پوليس وژل شوي دي .

د روانې اگست مياشتې پر ١٨ د پاکستان د پخواني ولسمشر پروېز مشرف له استعفا وروسته په قبايلي سيمو کې ډېر شمېر اورپکي وژل شوي دي .

طالبانو گواښ کړى و، که چېرې د پاکستان پوځ د دوى پر ضد خپل پوځي عمليات ونه دروي، دوى به هم خپلو بريدونو ته دوام ورکړي .

دغو اورپکو ډلو تر اوسه درې ځانمرگي بريدونه کړي، چې پلازمېنې اسلام اباد ته څېرمه په يوۀ کې يې ٦٧ کسان ووژل شول .

د تېرې پنجشنبې په ورځ د دغه هېواد د شمال لوېديځ ايالت په بنو ښار کې د ماين چاودنې نهه کسان ووژل، چې موخه يې د بنديانو د لېږدولو موټر په نښه کول په گوته شوي وو .

	د پاکستاني اورپکو او پوځ ترمنځ له جگړې وړاندې سوات د سيلانيانو د ساتېرۍ ځاى و.

بنو له افغانستان سره گډه پوله لري، چې وخت ناوخته اورپکي پر امنيتي ځواکونو بريدونه کوي .

په دې وروستيواوونيو کې د پاکستان شمال لوېديځ ايالت امنيتي فضا پر اړدوړ اوښتې ده .

افغان حکومت او امريکا وايي چې په دغو سيمو کې د وسله والو طالبانو او د القاعده ډلې د جنگياليو پټنځايونه دي .

د پاکستان نوې ادارې له پاکستاني طالبانو سره د اوربند يوه پرېکړه هم لاسليک کړې وه، خو داسې ښکاري چې له دواړو جنگي غاړو ورخ اوبو وړى او پر خپلو کړيو ژمنو نه دي ولاړ .