نعمت الله کرياب له اسداباده

	د سرکاڼو ولسوالۍ د پوليسو مشر محمد شعيب وايي په ځوابي ډزو او د نړيوالو ځواکونو له لوري په شوي بمبار کې دده په وينا تر ١٢ ډېر وسله وال وژل شوي چې د درو مړي يې خبريالانو ته وښودل .

په ختيځ کې دايساف دمطبوعاتي دفتر له له لوري په خپره شوې خبر پاڼه کې ويل شوي چې د پاکستان پولې ته ورڅېرمه ولسوالۍ سرکاڼو کې دافغان پوځ درې سرتېري په مخامخ جګړه وژل شوي او د ناټو د يوه سرتېري په ګډون يو بل افغان سرتېرى ټپى شوی .

جګړه داسداباد او خاص کونړ ترمنځ په غزېدلې لاره شوې ده .

د سرکاڼو ولسوالۍ د پوليسو مشر محمد شعيب وايي په ځوابي ډزو او د نړيوالو ځواکونو له لوري په شوي بمبار کې دده په وينا تر ١٢ ډېر وسله وال وژل شوي چې د درو مړي يې خبريالانو ته وښودل .

د پوليسو دغه مشر وژل شوي وسله وال د پولې له بلې غاړې نه را اوښتي کسان وبلل او په وينايې دسيمه ييزو خلکو له لوري مړي نن ديکشنبې په ورځ د ناوه پاس په سيمه کې دهغوى خپلو خپلوانو ته وسپارل .

وسله وال طالبان په خپل وار په دغې جګړه کې خپل لور ته اوښتی زيان لږ او د افغان او بهرنيو پوځيانو هغه ډېر بولې .

د طالبان يوه تن وياند ذبيح الله مجاهد ادعا کوي چې په نښته کې يې اته افغان او بهرني پو ځيان وژلې دي .

ده د طالبانو د دوو تنو وژل کېدل ومنل، خو دا يې ردکړه چې ګواکې وژل شوي پاکستاني طالبان دي .

له بلې خوا د شنبې په مازيګر د ولايت په مرکز اسد اباد کې په ملکي روغتون د توغندي دلګېدو له امله په روغتون کې دنوې جوړېدونکې ودانۍ يو کارکوونکى مړ او دوه نور چې يوه يې ښځه وه ټپيان شوي او د روغتون ودانۍ ته هم زيان اوښتی دى .

تر اوسه ددغه بريد پړه چا پر غاړه نه ده اخيستې، خو دکونړ والي فضل الله وحيدي وايې توغندى د پولې له څنډې را توغول شوی دى .