نعمت الله کرياب له اسداباده

	د پکتيکا په وازه خوا ولسوالۍ کې څه باندې يوه مياشت وړاندې هم په يوه وسله واله نښته کې يو پوليس ټپي او بل وژل شوى و .

دغه پېښه پرون مازديگر هغه مهال وشوه کله چې وسله والو طالبانو د پکتيکا ولايت د يوسف خېلو په شپانه کلا کې پوليسو ته کمين نيولى و .

د پکتيکا ولايت د امنيه قومندان نبي جان ملاخېل وايي په دې نښته کې د يوه ملکي وگړي سربېره د طالبانو دوه سيمه ييز مشهور قومندانان انجينر توفيق او رفيق هم وژل شوي او يو وسله وال طالب ټپي شوى دى .

ملاخېل د خپلو پوليسو د وژل کېدو خبره تراوسه نه ده تاييد کړې .

خو وسله وال طالبان بيا دا مني چې يو تن يې وژل شوى او بل يې ټپي شوى دى، خو ورسره د پنځو پوليسو د وژلو ادعا هم کوي .

ځايي خلکو بي بي سي ته د څلورو ملکي وگړو د مړينې خبر ورکړى چې په وينا يې په وژل شوو کې دوه ښځې هم دي، خو ولايتي چارواکي وايي په جگړه کې يو ولسي وگړى وژل شوى دى .

د يادونې وړ ده چې د روان کال د اپرېل پر دويمه هم د نوموړي ولايت په وازه خوا کې ولسوالۍ کې د وسله والو په يوه بريد کې يو پوليس وژل شوى او يو بل ټپي شوى و .